गायक ज्ञानु यादवको नेतृत्वमा सँस्कृति जनमत सँघ गठन

न्यूज ब्यूरो, सिरहा । डा. सिके राउत नेतृत्वको जनमत पार्टीको सँस्कृति भातृ सँगठन तर्फ सँस्कृति जनमत सँघ गठन गरिएको छ ।

सिरहाका गायक ज्ञानु यादवको अध्यक्षतामा २३ सदस्यीय समिति गठन गरिएको हो । शुक्रबार जनमत पार्टी सिरहा कार्य समितिद्धारा जिल्लास्तरीय सँस्कृति जनमत सँघ गठन गरिएको हो ।

जनमत पार्टीका सिरहा जिल्ला अध्यक्ष विजय साहको अध्यक्षता तथा पार्टीका केन्द्रीय सदस्य राजकुमार त्यागीको प्रमुख आतिथ्यमा भएको सम्मेलनबाट गायक ज्ञानु यादवको अध्यक्षतामा सँस्कृति जनमत सँघ गठन गरिएको हो ।

तराई मधेशमा मौलाउँदै गएको छाडा गीतहरुलाई नियन्त्रण गर्ने उदेश्यले पनि सँस्कृति जनमत सँघ गठन गरिएको बताइएको छ । तराई मधेशको सँस्कृति उजागर, प्रचार प्रसार, सँगीत मार्फत गर्ने उदेश्य सहित जनमत पार्टीको भातृ सँगठनको रुपमा सँस्कृति जनमत सँघ गठन गरिएको जनमत पार्टीका युवा नेता सँजय स्वराजले जानकारी दिए ।

यसअघि ज्ञानु यादवले नै समाजमा अपाच्य हुने खालका गीतहरु गाएको र गाउँदै आएपछि अब सो लाई नियन्त्रण गर्ने प्रतिवद्धता समेत जाहेर गरे ।