खेतमा जोडेको तारमा करेन्ट लागेर एक युवकको मृत्यू

न्यूज ब्यूरो, जनकपुरधाम । धनुषाजिल्लास्थित खेतमा लगाइएको तारमा करेन्ट लागेर एक युवकको मृत्यू भएको छ ।

तरकारी बाली जोगाउन जडान गरिएको बिजुलीको लाइनमा करेन्ट लागेर एक युवकको मृत्यू भएको हो । गएराति धनुषाधाम नगरपालिका ७ किसानपुर बस्ने २४ बर्षीय धनी यादवको करेन्ट लागेर मृत्यु भएको हो।

प्रहरीका अनुसार, धनुषाधाम–७ का रामबहादुर मण्डलले आफ्नो भण्टाबारीमा जङगली बँदेलबाट तरकारी बाली बचाउनका करेन्ट सप्लाई गरिएको नाङ्गो तारमा छोएपछि घार्इते भएका यावदको प्रादेशिक अस्पताल जनकपुरमा उपचारको क्रममा मृत्यु भएको हो।

करेन्ट लागेर अन्य दुईइजना गम्भीर घाइते भएका छन्। घाइते हुनेहरुमा सोही ठाउँ बस्ने रामजीवन र राजुकुमार साह रहेका छन् । उनीहरुको उपचार रामजानकी अस्पतलामा जनकपुरमा भइरहेको छ।

खेतमा करेन्ट जडान गर्ने रामबहादुर मण्डललाई प्रहरीले नियन्त्रणमा लिएर घटनो थप अनुसन्धान भइरहेको इलाका प्रहरी कार्यालय धनुषाधाम प्रहरीले जनाएको छ।