कमला नदीमा बहाब र कटान बढयो, यी क्षेत्रहरुका बासिन्दामा त्रास

न्यूज ब्यूरो, जनकपुरधाम । धनुषा र सिरहा जोडने ठुलो नदी मानिएको कमला नदीमा पानीको बहाब र कटान समेत बढन थालेपछि स्थानीयहरुमा चिन्ता छाएको छ ।

कमला आसपासका क्षेत्रका बासिन्दाहरुमा पानीको सतहको साथै बाँध समेत कटान गर्न थालेपछि त्रास बढेको हो । धनुषाको किरतपुरस्थित बाँधको नजिक कटान आउन थालेको बताइएको छ ।

कमला नदीमा पानीको बहाब बढनुको साथै सबैला नगरपालिकाको ढोलबज्जा र किरतपुरस्थित बाँधको नजिक कटानी आउन थालेपछि स्थानीयहरुमा त्रास बढेको छ ।

सो सन्दर्भमा धनुषाका प्रमुख जिल्ला अधिकारी बन्धु प्रसाद बास्तोलाले सो क्षेत्रमा स्थानीय प्रशासनले नीरिक्षण अनुगमन समेत गरेको बताउँदै त्यहाँ बाँधको अवस्था नाजुक रहेको सँकेत गरे ।

उनले यसको लागि तत्कालै केही नहुने भन्दै बाँधलाई झन मजबुत बनाउनको लागि बोरामा बालुवा हालेर, ढुँगा हालेर तत्काल पानी रोक्ने कार्य गरिने बताए । उनले सुरक्षाकर्मी परिचालन गरेर सो ठाउँमा प्रशासनले बाँध फुटनबाट जोगाउन प्रयास थालेको बताए ।

धनुषाको सबैला नगरपालिका वडा नं. १३ किरतपुर र ढोलबज्जको बीचमै बाँधको अवस्था नाजक हुन थालेको हो ।