प्रहरी जवान यादव बने जेठ महिनाको उत्कृष्ट प्रहरी

न्यूज ब्यूरो, जनकपुरधाम । जिल्ला प्रहरी कार्यालय धनुषा मातहतको इलाका प्रहरी कार्यालय ढल्केवरका प्रहरी जवान पोलिस अफ द मन्थ घोषित भएका छन् ।

प्रहरी जवान सुदिष्ट कुमार यादवलाई जिल्ला प्रहरी कार्यालय धनुषाका एसपी प्रकाश रानाभाटले उनलाई पोलिस अफ द मन्थको उपाधी दिएका हुन् ।

प्रहरी यादवले गत बैशाख १७ धनुषाको धनुषाधाम नगरपालिका वडा नम्बर ६ स्थित जगधर खोला जानेबाटोमा अबैध रुपमा भरुवा बन्दुक लोड गरेको अवस्थामा एक युवकलाई पक्राउ गरेका थिए ।

धनुषा मिथिला नगरपालिका वडा नं। ३ बस्ने बर्ष २० को रोशन पासवान र सोही ठाउँ बस्ने बर्ष १७ को मनिष गोले समेतलाई पक्राउ गर्ने कार्यमा महत्वपुर्ण भुमिका खेली उच्च जोखिमपुर्ण एवंम साहसिपुर्ण कार्य गरेको भन्दै उनलाक्षर्् यो महिनाको उत्कृष्ट प्रहरीको उपाधी दिएको हो ।

ईलाका प्रहरी कार्यालय ढल्केवर धनुषाको अपराध अनुसन्धान शाखामा कार्यरत रही दिएको जिम्मेवारी कुशलतापुर्वक उच्चमनोवलका साथ अनुशासित भई उत्कृष्ट भूमिका निर्वाह गरेको भन्द्र उक्त कार्यको उच्च मुल्याङ्कन गर्दै उनलाई २०७८ साल जेष्ठ महिनाको उत्कृष्ठ प्रहरी घोषित गरिएको हो ।

एसपी रानाभाटले उनलाई जिल्ला प्रहरी कार्यालय धनुषामा बोलाएर कदर पत्र प्रदान गरेका छन् ।