मिनी ट्रक र मोसा जुध्दा दुई युवक गम्भिर !

न्यूज ब्यूरो, जनकपुरधाम । धनुषामा मिनी ट्रक र मोटरसाईकल (मोसा) एक आपसमा जुधेपछि दुई युवक गम्भिर घाईते भएका छन् ।

पूर्व–पश्चिम हुलाकी राजमार्ग अन्तर्गत पूर्वी धनुषाको कमला नगरपालिका वडा नं. ४ सघाराचोक नजिकै मिनी ट्रक र मोटरसाईकज जुधेपछि दुर्घटना भएको इलाका प्रहरी कार्यालय खजुरीले जनाएको छ ।

धनुषाबाट सिरहातर्फ जाँदै गरेका ज. १ प. ९३६३ नम्वरको मोटरसाइकललाई सिरहाबाट जनकपुर तर्फ आउँदै गरेको ज. १ क. ३६३ नम्बरको मिनी ट्रकले ठक्कर दिएको प्रहरीले जनाएको छ ।

घाईते हुनेहरुमा सिरहा बस्ने अन्दाजी बर्ष ३६ को राजु मेहस्तर र अन्दाजी बर्ष ३५ को फेकु मेहस्तर रहेका छन् । दुर्घटनापछि मिनि ट्रकका चालक फरार भएका छन् भने ट्रक प्रहरी चौकी बनरझुलामा राखिएको इलाका प्रहरी कार्यालय खजुरीका प्रहरी नीरिक्षक (ईन्सपेक्टर) रबिन मैनालीले जानकारी दिए ।

घाईते दुवै जनाको अवस्था गम्भिर रहेको र उनीहरुको उपचार अहिले जनकपुरधाम प्रादेशिक अस्पतालमा भइरहेको जानकारी दिएका छन् । चालकको खोजीकार्य तीव्र पारिएको छ ।