सबैला नगरपालिकाको छैठो नगरसभाबाट ६४ करोड भन्दा बढी बजेट

न्यूज ब्यूरो, धनुषा । धनुषाको सबैला नगरपालिकाको आर्थिक वर्ष २०७८/७९ मा ६४ करोड भन्दा बढी बजेट ल्याएको छ ।

नगर प्रमुख बिजय शंकर प्रसाद साहको अध्यक्षता तथा वडा नं. १३ का जेष्ठ वडाध्यक्ष भागिरथ महतोको प्रमुख आतिथ्यमा विहिबार सम्पन्न भएको नगरसभाबाट सो बजेट ल्याएको हो ।

सम्पन्न छैठो नगरसभामा नगर प्रमुख साहले आर्थिक वर्ष ०७८–०७९ को अनुमानित ६४ करोड बजेट प्रस्तुत गरेका हुन् ।

नगर प्रमुख साहले बजेटमा केन्द्रबाट प्राप्त हुने समानिकरण अनुदान, सर्शत, सम्पुरक अनुदान, सामाजिक सुरक्षा, सडक बोर्ड राजस्व बाँडफाँड र प्रदेश सरकारबाट प्राप्त हुने समानिकरण, सर्शत, सम्पुरक, सवारीसाधन कर, मालेपात कार्यालयबाट घरजग्गा रजिष्ट्रटेसन कर तथा विशेष अनुदान कार्यक्रम र आन्तरिक आयलाई समेटर सो अनुमानित बजेट सार्वजनिक गरेको छ ।

बजेटमा कृषि, सिँचाई र स्थानीय बजारलाई बढी जोड दिएको छ । यस्तै आगामी बजेटमा बस्तीबाट वडा केन्द्र जोड्ने सडक, वडाबाट केन्द्र जोड्ने अधुरा सडकहरुलाई विशेष प्राथमिकता दिएको छ ।

नगर यातायात गुरु योजना र्मिाण गरी लगानी सुनिश्चित गरिने, नेपाल सरकारकाने समन्वयमा अति विपन्न परिवारको लागि छानो फेर्ने कार्यक्रम संचालन गरिनेजनाएको छ ।

नगरपालिकालाई हरित सडकको व्यवस्था गरिने, दुधमति पोखरी क्षेत्रमा आवश्यक पूर्वाधारण निर्माण गरी पर्यटकिय क्षेत्रको रपमा विकास, स्थानीय सरकार जनतासँग कार्यक्रमको व्यवस्था मिलाउने र प्रत्येक महिना वडा कार्यालयमा जनप्रतिनिधीसँग जनताको प्रत्यक्ष संवाद कार्यक्रम गर्ने जस्ता योजनाहरु नीति, कार्यक्रम तथा बजेटमा समावेश गरिएको छ ।

सो कार्यक्रममा प्रमुख प्रशासकिय अधिकृत बालबिर ठाकुर, इन्जिनियर रंजित यादव ,स्वास्थ्य संयोजक संजय मण्डल अभरसियर रबिन्द्र यादवलगायत विभिन्न वडाका वडा अध्यक्षहरु ,नगरपालिकाका कर्मचारीको उपस्थिति रहेको थियो ।