ट्रिपरले ठक्कर दिएपछि सँचारकर्मी महतोको मृत्यू

न्यूज ब्यूरो, जनकपुरधाम । प्रदेश नम्बर २ को सर्लाहीस्थित ट्रिपरले ठक्कर दिएपछि एक सँचारकर्मीको घटनास्थलमै मृत्यू भएको छ ।

सर्लाहीको हरिपुर्वा नगरपालिका वडा नम्बर ८ बसंतपुर मुखिया चौकमा शुक्रबार अपराह्न करिब ४ बजे हरिपुर्वा तिर आउँदै गरेको ट्रिपरले विपरीत दिशातिर गइरहेको ज ७ प ९०४२ नम्बर को मोटरसाइकललाई ठोक्दा दुर्घटना भएको हो ।

सो क्रममा सँचारकर्मी रहेका सर्लाहीको इश्वरपुर नगरपालिका वडा नम्बर १३ गौरिशंकर बस्ने रामबृक्ष महतोका छोरा ३० को अर्जुन महतो छन् । महतोको घटनास्थलमै मृत्यु भएको प्रहरीले जनाएको छ ।

घटना पश्चात् स्थानिय बासिले ट्रिपमा आगजनी गरी बाटो अबरुध समेत पारेको थियो । मृतक महतो सँचारकर्मी थिए । उनी विभिन्न सँचारमाध्यमसँग जोडिएर कार्य गरेका थिए ।

आक्रोसित स्थानीयहरुले ट्रिपरमा आगजनी गरेपनि चालक भने सकुशल रहेको जनाइएको छ । उनलाई प्रहरीले नियन्त्रणमा लिएर अनुसन्धान थालिएको बताइएको छ ।