खुल्ला स्थानमा दिसा गर्दैहुनुहुन्छ ? पर्नुहुनेछ प्रहरीको फन्दामा !

न्यूज ब्यूरो ||
जनकपुरधाम, २५ फागुन । केही वर्ष पहिले धेरै गाउँ ठाउँका बाटो– घाटोमा हिडदा नाकमुख थुनेर हिँड्नुपर्ने बाध्यता थियो । कारण एउटै थियो, त्यो हो, खुल्ला स्थानमा जथाभावी दिसापिसाब !

सडकको दुवै छेउँमा साँझको समयमा तथा एक विहानैको समयमा दिशापिसाब गरेर बाटो हिड्दा चिप्लेरै लडिएला जस्तो जताततै फोहोरको वातावरण । पछिल्लो पटक धनुषा लगायत नेपालभरि नै खुला दिसामुक्त क्षेत्र घोषणा गर्ने क्रम बढेसँगै बाटोघाटोमा फोहोर गर्ने प्रवृत्ति केही घटेको छ ।

तर पुरै सुधार हुन भने सकेको छैन । अहिले पनि सडक छेउछाउँ वा कुनामा भन्दा पनि बाटोमै दिसापिसाब गर्ने बानी कतिपय गाउँघरमा यथावत नै रहेको छ ।

यसैक्रममा धनुषाको शहिदनगर नगरपालिका वडा नं. १ बाट पाँच जना बाटो हगुवालाई प्रहरीले पक्राउ गरेको छ । साविकको बालाबाखर गाविसलाई खुल्ला दिशामुक्त अभियानमा लागेको समाज विकास पथ (सुयुक)क को सहयोगमा खुल्ला दिशामुक्त घोषणा गर्न लागेको समयमा गाउँकै केही व्यक्तिले अटेरी खुल्ला दिशा गरिरहेकै अवस्थामा उनीहरुलाई पक्राउ गरिएको सावधान !

के तपाई पनि खुल्ला स्थानमा शौच जानुहुन्छ, भने यसरी पर्नुहुन्छ प्रहरी फन्दामा खरिहानी प्रहरी चौकीका सई बाटोमा फोहोर गर्ने बानी सुधार्न नसक्नेहरुलाई स्थानीय प्रशासनले दण्ड जरिवाना नियमानुसार गर्न थालेका छन् । शहिदनगर नगरपालिकाका वडाअध्यक्ष समितिहरुले अहिले यस्तै काम थालेका छन् । ‘घरमा चर्पी बनाउनेलाई सरसफाई परिचयपत्र दिने र बाटोमा दिसापिसाब गर्नेबाट जरिबाना उठाउने काम भैरहेको छ’ बालाबाखरका सरसफाई अभियन्ता महादेव प्रसाद पटेलले

जानकारी गराए । बाटोमा जथाभावी दिसा गर्नेलाई ‘बाटो हगुवा’ भनेर रु. ५०० जरिबाना उठाउने गरिएको छ । पक्राउ परेका पाँचैजनालाई समेत ५०० जरिवाना लिएर छोडिएको सई यादवले जानकारी दिए ।

सुरुमा चेतावनी दिने र फेरि पनि अटेर गरेको पाइए जरिवानालिने गरिएको खरिहानी प्रहरी चौकीका सई तेजीलाल यादवले बताए । साविकको बालाबाखर गाविसलाई फाल्गुन ३० गते खुला दिसामुक्त गाउँ घोषणा गरिने योजना रहेको समाजविकास पथका सरसफाई अफिसर सुजित मण्डलले जानकारी दिए ।

जिल्लाका साविकको १०१ वटा गाविस मध्ये ५० वटा गाविसलाई खुला दिसामुक्त घोषणा गरिसकिएको छ भने, ८ वटा गाविस यसै महिना भित्र खुल्ला दिशामुक्त घोषणाको क्रममा रहेको छ । बालाबाखरमा २ हजार ६ सय ८२ घरधुरिमा १९५ घरधुरिमा मात्र शौचालय रहेको थियो, जसमा हाल करिब ९० प्रतिशत व्यक्तिले आ–आफ्नो घरमा शौचालय बनाएर प्रयोग गरिरहेका सरसफाई अभियानकर्ता महादेव पटेल जानकारी दिएको भनेर पत्रकार गोविन्द महतो द्धारा जनकपुरबाट प्रकाशित हुने आजको न्यूजपेपर दैनिक पत्रिकामा छापिएको छ ।