मधेशी आयोगका अध्यक्ष दत्तको फोन –'मधेशी भनेर प्रहरी हेप्नेहरुलाई तुरुन्त कारवाही गर्नुस् '

न्यूज ब्यूरो, जनकपुरधाम । मधेशी आयोगका अध्यक्ष डा. विजय दत्तले काठमान्डौंमा प्रहरी कर्मचारी उपर गरिएको रँगभेदी व्यवहारप्रति एक्सन लिँदै तुरुन्त कारवाहीको दायरामा ल्याउन आग्रह गरेका छन् ।

आयोगका अध्यक्ष दत्तले नेपाल प्रहरीका आईजीपी शैलेश थापा क्षेत्रीलाई फोन मार्फत यी घटनामा सँलग्नहरुलाई तुरुन्त कारवाहीको दायरामा ल्याउन सिफारिस गरेका हुन् ।

काठमान्डौंमा गत महिना तराई मधेश मूलका नेपाल प्रहरीका कर्मचारीलाई झा मधेशी भन्दै मधेशतिरै जान भनेर रँगभेदी व्यवहार गरेको भन्दै कानुनी कारवाही गर्न माग गरेका छन् ।

मधेशी आयोगको कार्यालयले सम्बन्धित निकायहरुमा पत्र पठाउँदै भिडियोमा देखिएको व्यक्तिहरुलाई कारवाहीको दायरामा ल्याउन निवेदन पठाएको हो । आयोगको दर्ता नम्बर १८३ रहेको सो पत्रमा प्रहरी कर्मचारीमाथि गरिएको व्यवहारको छानबिन र अनुसन्धान गरी कारवाही गर्न पत्राचार गरेको हो ।

न्यूज ब्यूरोसँग कुराकानी गर्दै आयोगका अध्यक्ष दत्तले भने,–“मधेशी आयोग यस्ता घटनाहरुप्रति सजग छ । यस्ता कही कतै घटनाहरु भए, मधेशी भनेर हेपे, दुरव्यवहार गरे, रँगभेदी व्यवहार गरे तत्काल आयोगमा जानकारी गराए कारवाहीको लागि हामी छौं ।”

उनले मणिकान्त झा भन्ने प्रहरी कर्माचारीलाई अपमानजनक शब्द प्रयोग गरेर होच्याएको सम्बन्धमा भाइरल भएको भिडियो माथि आफ्नो ध्यानकार्षण भएको बताए ।

“सो भिडियोमा झा लाई “मधेशी हो , मधेश तिर जा” भन्ने शब्दहरु प्रयोग गरि होच्याएको देखिन्छ, माननीय अध्यक्षज्यूको निर्देशनानुसार सो घटनालाई तुरुन्त उजुरीमा दर्ता गरेर आयोगले आवश्यक कानुनी कारवाहीको लागि प्रक्रिया अगाडी बढाईसकेको छ ।”– पत्रमा उल्लेख छ ।

कुनै पनि समुदायलाई अपमानजनक शब्द प्रयोग गरि होच्याउनु कानुनतः अपराध रहेको उल्लेख गर्दै उनले समाजिक अभियन्ताको नाममा प्रहरी कर्मचारीमाथि गरेको दुरव्यवहार सहित रँगभेदी र अपमानजनक शब्दहरुको प्रयोगले उनीहरुलाई कारवाहीको लागि प्रक्रिया अगाडी बढाएको बताएका छन् ।

केही दिन अघि आफूलाई अभियन्ता भन्ने ज्वाला सँग्रौला नामक व्यक्तिहरुको टोलीले काठमान्डौंको महाराजगँज क्षेत्रमा पास नै नलिई गाडी चलाएपछि ट्राफिक प्रहरीमा कार्यरत मणिकान्त झाले रोकेका थिए । रोकेपछि आक्रोसित उनका टिमले मधेशी हो मधेशतिरै जाउ भन्दै रँगभेदी समाजलाई विभाजन खालको बोली बोलेपछि चौतर्फी आलोचना सहित कारवाहीको माग उठेको हो ।