पोखरीमा नुहाउन गएकी बालिका डुबिन

न्यूज ब्यूरो, सिरहा । सिरहाको लहानमा पोखरीमा डुबेर ५ वर्षीया बालिकाको ज्यान गएको छ । सिरहाको लहान नगरपालिका१५ मा रहेको पोखरीमा डुबेर स्थानीय बमभोली दासकी अन्दाजी ५ वर्षीया छोरी कृतिका दासको मृत्यु भएको हो ।

बुवाआमा खेतीपातीमा व्यस्त भएका बेला बालिका पोखरी छेउमा खेल्दै गर्दा पोखरीमा खसेको इलाका प्रहरी कार्यालय लहानका डीएसपी डा। तपन दाहालले जानकारी दिए ।

घटनाबारे थप अनुसन्धान भइरहेको डीएसपी दाहालले बताए ।