शेख उपर गोली प्रहार , विरगँज रिफर

न्यूज ब्यूरो ||
रौतहट, २३ फागुन । रौतहटको राजपुरमा अज्ञात समूहको गोली प्रहारबाट एक जना गम्भिर घाईते भएको छ ।

राजपुर नगरपालिका अन्तर्गत लालबकैया पूल देखी पुर्वमा रहेको बाँध भन्दा तलतिर फतुवामहेशपुर जाने बाटोमा अहिले करिब ८ः०० बजे राजपुर न पा वडा नं ३ बलुवा टोलका शेख आसिनका बर्ष ४० का छोरा शेख शालिम उपर गोली प्रहार भएको प्रहरीले जनाएको छ ।

आफ्नो घरतिर जादै गरेको अवस्थामा एक्कासी अज्ञात समूहले गोली हान्दा शेख गम्भीर घाइते भएका छन्।

घाइते शेखलाई जिल्ला अस्पताल गौरमा समान्य उपचार पछि थप उपचारका लागि बिरगंज रिफर गरिएको प्रहरीले जनाएको छ ।

घटनाको बारेमा थप अनुसन्धान भईरहेको जिल्ला प्रहरी कार्यालय रौतहटले जनाएको छ ।