विवेकशिल साँझा पार्टीका नेता उज्जवल थापाको अवस्था गम्भिर

न्यूज ब्यूरो, काठमान्डौं । विवकेशील साझा पार्टीका नेता उज्ज्वल थापाको स्थास्थ्य अवस्था गम्भीर भएको जनाइएको छ ।

विवेकशील साझा पार्टीका संयोजक मिलन पाण्डेले सामाजिक सञ्जालमार्फत उनको अवस्था गम्भीर रहेकाले आर्थिक सहयोगका लागि अपिल गरेका छन् ।

“केही दिनअघि उज्ज्वल दाइलाई कोरोनाभाइरसको संक्रमण भयो । उहाँको उपचार ह्याम्स काठमाडौंमा सुरु भयो र त्यसपछि ग्रान्डी अस्पताल रेफर गरिएको थियो र, शुक्रबार उनलाई नेपाल मेडिसिटी अस्पताल लगिएको छ ।

अहिले उहाँको अवस्था निकै जटिल रहेको छ । हामी यो अवस्थाको सामना गर्न सक्दो प्रयास गर्दैछौँ । अहिले हामीलाई सबैभन्दा बढी तपाईंको साथ र सहयोग आवश्यकता परेको छ,” पाण्डेले भनेका छन् ।

थापाको उपचारको लागि परिवारको अनुमतिमा सहयोगको अपिल पनि गरिएको छ । थापाले निरन्तर सरकारको प्रणालीसँग, सरकारसँग जनताको तर्फबाट आन्दोलन गरेको र आन्दोलन गर्ने शैली सिकाएको बताइन्छ ।