आफ्नै घरबाट हराएका महोत्तरीका बालक चारदिनपछि भारतको एक घरमा भेटिए

न्यूज ब्यूरो, जलेश्वर । आफ्नै घरबाट बेपत्ता भएका प्रदेश २ महोत्तरीका एक बालक शुक्रबार भारतमा भेटिएका छन् । उनी एक घरमा भेटिएको हो ।

खोजी गर्ने क्रममा भारतको रजवारा भन्ने ठाउँमा एक घरमा लुकाइराखेको अवस्थामा बालकलाई भेटिएको प्रहरीले जनाएको छ ।

भेटिएका बालकलाई जिल्ला प्रहरी कार्यालय महोत्तरीमा ल्याइएको र घटनाको सम्बन्धमा थप अनुसन्धान भइरहेको इलाका प्रहरी कार्यालय गौशालाका प्रहरी निरीक्षक(इन्स्पेक्टर) विष्णु प्रदीप बस्यालले जानकारी दिए ।

गएको मङ्गलवार सोनमा गाँउपालिका ४ का शत्रुघ्न महतोका ६ वर्षीय छोरा युवराज महतो घर वरिपरिबाटै हराएका थिए ।

गत मंगलवार सोनमा गाँउपालिका ४ का सत्रुधन महतोको ६ बर्षिय छोरा युवराज महतो घरको आँगनमा खेलिरहेको बेला हराएको थियो ।