प्रदेश २ को यी दुई हस्पिटलमा कोरोना सँक्रमितको उपचार बिल्कुल फ्रि हुने

न्यूज ब्यूरो, जनकपुरधाम । प्रदेश नम्बर २ को दुई वटा अस्पतालमा कोरोना सँक्रमितले गराउने सबै उपचार खर्च सरकारले तिर्ने भएको छ ।

स्वास्थ्य तथा जनसंख्या मन्त्रालयले कोरोनाको उपचारका लागि थप ३० वटा निजी तथा सामुदायिक अस्पताल तथा मेडिकल कलेजहरुको सूची सार्वजनिक गर्दै प्रदेश २ बाट पनि दुई अस्पतालमा कोरोना उपचार खर्च सँक्रमितले तिर्नु नपर्ने जनँएको छ ।

मन्त्रालयले बुधबार विज्ञप्ति जारी गर्दै तोकिएका ७ वटा प्रदेशका अस्पतालहरुमा कोरोनाको निःशुल्क उपचार हुने बताएको छ । प्रदेश १ मा नोबेल मेडिकल कलेज शिक्षण अस्पताल, प्रदेश २ मा नेशनल मेडिकल कलेज विरगन्ज र जानकी मेडिकल कलेज जनकपुर रहेका छन् ।

जनकपुरको रमदैया भवाडीस्थित सँचालनमा रहेको कोभिड अस्पतालमा कोरोना सँक्रमितले गर्नुपर्ने सबै प्रकारको उपचारको लागि सँक्रमितले कुनै पनि शुल्क तिर्नु नपर्ने जनाइएको छ । उनीहरुको उपचार खर्च सरकारले तिर्ने भएको छ ।

कोरोना सँक्रमितहरुको उपचारमा जनकपुर सहित देशको विभिन्न ठाउँमा निजी अस्पतालहरुले असाधारण रुपमा रकम लिने गरेको भन्दै व्यापक जनगुनासो आइरहँदा बखत नेपाल सरकारले ३० वटा अस्पतालमा निःशुल्क उपचारको व्यवस्था मिलाएको हो ।