न्यूज ब्यूरोका कार्यकारी सम्पादक यादवलाई पितृशोक

न्यूज ब्यूरो, जनकपुधाम । त्रिनेत्र न्यूज नेटवर्क जनकपुरद्धारा सँचालित मधेशको डिजिटल पत्रिका न्यूज ब्यूरोका कार्यकारी सम्पादक विनय कुमार यादवलाई पितृशोक परेको छ ।

धनुषाको धनुषाधाम नगरपालिका वडा नम्बर ५ बस्ने कार्यकारी सम्पादक यादवको ६५ बर्षिय बुवा श्रीकृष्ण यादवको अल्पायूमै मृत्यू भएको हो । उनको फोक्सोमा समस्या देखिएको थियो ।

गत बैशाख १८ गतेदेखि नै अस्वस्थ्य भएका यादवको २१ गते जनकपुरस्थित गोदाबरी हस्पिलटमा उपचार गरिएको थियो । फोक्सोको समस्या झन जटिल बन्दै गएपछि उनलाई सिरहाको कर्जन्हास्थित फूलकुमारी मेमोरियल हस्पिटलमा भर्ना गरिएको थियो ।

फोक्सोमा निमोनियाको लक्षण देखिएको उनको अवस्थामा २ दिनसम्म सुधार भएपनि आईतबार साँझ ७ बजेर ४१ मिनेटमा उपचारको क्रममा उनको मृत्यू भएको चिकित्सकले घोषणा गरेको हो ।

पत्रकार यादवका बुवा श्रीकृष्ण यादव नेपाली काँग्रेसका नगर नेता समेत रहेका थिए । युवाअवस्थादेखि नै नेपाली काँग्रेसमा लागेका उनको मृत्यूपछि एक कुशल नेता गुमाएको धनुषाधाम नगरपालिकाका मेयर बालेश्वर मण्डले बताए । उनले परिवारप्रति शोक व्यक्त गरे ।

यादव धनुषाधाम नगरपालिका वडा नम्बर ५ स्थित नव निर्मित समुदायिक विद्यालय बजरँग राष्ट्रिय प्राथमिक विद्यालयका नव नियुक्त र प्रथम अध्यक्षको रुपमा चयन भएका थिए । सँस्थापक अध्यक्षको रुपमा सर्व सहमतिले चयन भएका थिए ।

रामायण र महाभारतको ज्ञानमा समेत कुशल मानिएका उनलाई गाउँमा उच्च दर्जाका साथ सम्मान दिइन्थ्यो । उनको मृत्यूपछि गाउँलेहरु एक अभिभावक गुमाएको पीडा सुनाएका छन् ।