प्रदेश २ मा भोली सार्वजनिक विदाको घोषणा

न्यूज ब्यूरो, जनकपुरधाम । प्रदेश नम्बर २ सरकारले भोली शुक्रबार सार्वजनिक विदाको घोषणा गरेको हो ।

मुस्लिम धर्मावलम्बीहरुको पर्व ईदको अवसर पारेर भोली एक दिने सार्वजनकि विदाको घोषणा गरेको हो । प्रदेश २ का मुख्यमन्त्री लालबाबू राउतले इदको अवसरमा मुस्लिम धर्मावलम्बीहरुलाई शुभकामना दिँदै एक दिने सार्वजनिक विदा समेत दिएको हो ।

इल उल फित्रको अवसरमा प्रदेश सरकारले ३१ बैशाखमा सार्वजनिक विदा दिएको शुभकामना सन्देशमा उल्लेख छ । विश्वमा फैलिएको महामारीको अवस्थालाई मध्यनजर गर्दै हर्षोल्लासको साथ मनाउने अवस्था नरहेको भन्दै स्वास्थ्यको मापदण्ड अपनाएर घरमै पर्व मनाउन पनि आग्रह गरेको हो ।