मुख्यमन्त्रीले दिए राजीनामा !!!

न्यूज ब्यूरो, गण्डकी । सँघीय नेपालको एक प्रदेशका मुख्यमन्त्रीले राजीनामा दिएका छन् । गण्डकी प्रदेशका मुख्यमन्त्री पृथ्वीसुब्बा गुरुङले आईतबार राजीनामा दिएका हुन् ।

मुख्यमन्त्री गुरुङले आइतबार अपरान्ह प्रदेश प्रमुख सीता पौडेललाई राजीनामा बुझाएका हुन् । प्रदेश प्रमुख पौडेलले नेपालको संविधानको धारा १६८ (२) बमोजिम तीन दिनभित्र नयाँ सरकार गठन गर्न आव्हान गरेकी छिन् ।

नेपाली कांग्रेस, माओवादी केन्द्र र जनता समाजवादी पार्टी (जसपा) ले दर्ता गरेको अविश्वासको प्रस्तावमा मतदान गर्ने अघिल्लो दिन आइतबार मुख्यमन्त्री गुरुङले राजीनामा दिएका हुन् ।

प्रदेश प्रमुख पौडेलले हालसम्म उनको नेतृत्वको मन्त्रिपरिषद्ले गरेका कामका लागि धन्यवाद दिँदै अर्को मन्त्रिपरिषद् गठन नहुँदासम्म संविधानको धारा १६९ को उपधारा (३) बमोजिम मौजुदा मन्त्रिपरिषद्ले नै कार्य संचालन गर्ने जनाएकी छिन् ।

प्रदेश प्रमुख पौडेलले आइतबार नै संविधानको धारा १६८ (२) बमोजिम तीन दिनभित्र नयाँ सरकार गठनका लागि राजनीतिक दलहरुलाई आह्वान गरेकी छन् ।

कांग्रेस, माओवादी केन्द्र र जनता समाजवादीले मुख्यमन्त्री गुरुङबिरुद्ध अविश्वास प्रस्ताव दर्ता गरेका थिए । भोलि बैशाख २७ गते अविश्वास प्रस्तावमाथि मतदानको कार्यक्रम तय भएकोमा एक दिन पहिलै गुरुङले राजीनामा दिएका हुन् ।

धारा १६८ (२) मा दुई वा दुईभन्दा बढी दलको समर्थनमा बहुमत प्राप्त प्रदेशसभा सदस्यलाई प्रदेश प्रमुखले मुख्यमन्त्री नियुक्त गर्ने व्यवस्था छ ।