वडाध्यक्ष रायको मोटरसाईकलले ठक्कर दिए एक बालकको मृत्यू ,वडाध्यक्ष फरार !

न्यूज ब्यूरो, जनकपुरधाम । प्रदेश नम्बर २ को सर्लाही जिल्लास्थित वडाध्यक्षको मोटरसाईकलले ठक्कर दिएपछि एक बालकको मृत्यू भएको छ ।

सर्लाहीको बरहथवा नगरपालिका वडा नम्बर ३ भगवतीपुरस्थित वडा नम्बर १३ का वडाध्यक्षको मोटरसाईकलको ठक्करबाट एक जना बालकको मृत्यु भएको हो ।

स्थानीयहरुका अनुसार वडा नम्बर १३ का वडाध्यक्ष जय नारायण रायले चलाएको मोटरसाईकलले स्थानीय दिनेश महतोको ८ बर्षिय छोरा रोहित महतो (कुशवाहा) को घटनास्थलमै मृत्यू भएको हो ।

वडाध्यक्ष राय रक्सी खाएर मोटरसाईकल चलाएपछि सो दुर्घटना भएको बताइएको छ । ८ बर्षिय छोराको मृत्यू भएपछि परिवारमा रुवावासी चलेको छ ।

यता, जिल्ला प्रहरी कार्यालय सर्लाहीका अनुसार, ठक्कर दिएर बालकको मृत्यू भएपछि वडाध्यक्ष राय हिजैदेखि फरार भएका छन् । उनको खोजी कार्य तीव्र पारिएको प्रहरीले जनाएको छ ।