अस्पताल र मधेश सरकारको निकम्मापनः कोभिड सँक्रमितको लागि नीजि सँस्थाबाट खाना माग

न्यूज ब्यूरो, जनकपुरधाम । प्रदेश २ को अस्थायी राजधानी जनकपुरधामस्थित रहेको प्रादेशिक अस्पतालले कोभिड सँक्रमित विरामीको लागि नीजी सँस्थासँग खाना मागेपछी चौतर्फी आलोचना भएको छ ।

प्रादेशिक अस्पतालका निमित्त मेडिकल सुपरिटेन्डेन्ट डा. प्रमोद यादवले प्रादेशिक अस्पतालमा उपचाररत कोभिड विरामीहरुको लागि नीजि सँस्था मारवाडी युवा मँचसँग खाना उपलब्ध गराउन माग गरेपछि चौतर्फी आलोचना गरिएको हो ।

अस्पतालमा सँचालनमा रहेको कोभिड विशेष अस्तपातलमा उपचाररत विरामीहरुको लागि अस्पतालले खाना माग गरेको हो । सँस्थालाई निवेदन लेखेर अस्पताल प्रशासनले खाना उपलब्ध गराउन माग गरेपछि प्रदेश सरकारको असली रुप उदाँगो भएको हो ।

अस्पतालमा उपचाररत कोभिड विरामीहरुको लािग समेत खाना उपलब्ध गराउन नसक्ने प्रदेश सरकारको कुनै काम नरहेको नागरिकहरुको प्रतिक्रिया छ । एक तर्फ प्रदेश सरकारले कोभिडको लागि सबै तयारी पूर्ण रहेको दाबी गरिरहँदा यस्तो निवेदनले प्रदेश सरकारको चरित्र पनि उदाँगो गरिएको हो ।

यो निवेदन प्रादेशिक अस्पतालले गरेपनि प्रदेश २ को समाजिक विकासमन्त्री नवल किशोर साहको दुदर्शीता र कार्य सम्पादनप्रति पनि प्रश्न चिन्ह उठेको छ ।

यस सन्दर्भमा निमित्त मेडिकल सुपरिटेन्डेन्ट डा. प्रमोद यादवसँग सम्पर्क गर्दा सम्पर्क भने हुन सकेनन् ।