धनुषाको यी दुई नगरपालिकामा नागरिक आरोग्य सेवा केन्द्र स्थापना

न्यूज ब्यूरो, जनकपुरधाम । प्रदेश नम्बर २ को धनुषा जिल्लास्थित दुई पालिकामा नागरिक आरोग्य सेवा केन्द्र स्थापना गरिएको छ ।

जनकपुर आयुर्वेद औषधालय धनुषा कार्यालयद्वारा धनुषा जिल्लाको धनुषाधाम नगरपालिका र कमला नगरपालिकामा सो केन्द्रको उदघाटन गरिएको हो ।

धनुषाधाम नगरपालिकाको वडा नम्बर ५ पर्वतामा दोस्रो नागरिक आरोग्य सेवा केन्द्रको उदघाटन गरिएको हो । यस्तै, कमला नगरपालिका वडा नम्बर २ माचिझिटकैया स्थित समेत आरोग्य सेवा केन्द्र स्थापना गरिएको हो ।

अब धनुषा जिल्लामा एउटा धनुषाधाम नगरपालिका र एउटा कमला नगरपालिकामा गरी दुई वटा नागरिक आरोग्य सेवा केन्द्र बिधिवत रुपमा संचालन भएको डा सिमा झाले बताईन् ।

धनुषाधाममा कार्यक्रमको अध्यक्षता डा सीमा झा तथा धनुषाधाम नगरपालिका नगर प्रमुख बालेश्वर मंडलको प्रमुख अतिथिमा कार्यक्रम गरिएको हो ।

योग जस्तो अमुल्य उपचार गराउन नगरवासीले उपलब्धि मुलक लाभ उठाउने भन्ने विश्वास राखे नागरिक लाई सेवा दिन कुनै किसिमको कसर बाकी न राख्ने पालिका बाट हुने बजेट पनि छुट्टाईदिने पनि प्रतिबद्धता गरे ।

यहाँ सेवा केन्द्र स्थापना गराउन पहल गरेका प्रतिनिधिहरु लाई प्रशंसा गर्दै जनकपुर आर्योवेदका कर्मचारी भोला महतोले गरे । सो कार्यक्रममा वडाध्यक्ष ईन्द्र कुमार महतोले विशिष्ट आतिथ्यको आसनबाट आफ्नो धारणा राखेका थिए ।

कार्यक्रममा अतिथि नवल किशोर यादव शिक्षक संघ पुर्व केन्द्रिय सद्स्य ,डा नवीन कुमार सिहं ,आयोर्वेद प्रदेश सचिव सुबोध यादव , समाजसेवी देबनरायाण दाहा लगायत बुद्धिजीवी ,समाजसेवीहरु उपस्थिती रहेको थियो ।

कार्यक्रमका संचालन जनकपुर आयोर्वेद औषधालयका प्रतिनिधि भोला महतोले गरेका थिए ।