औषधी व्यवस्था विभागको सबै सेवा अनिश्चितकालिन बन्द

न्यूज ब्यूरो, जनकपुरधाम । औषधी व्यवस्था विभागको सबै सेवा अनिश्चितकालिन बन्द गरिएको छ । विभागका प्रमुखलाई कोरोना पोजिटिभ देखिएको भन्दै सेवाहरु बन्द गरिएको जनाइएको छ ।

औषधी व्यस्था विभाग विराटनगरले एक सूचना जारी गर्दै कार्यालय प्रमुखलाई कोरोना पोजिटिभ देखिएको र सम्पर्क रहेका अन्य कर्मचारीहरु पनि ट्रेसिँगमा परेको भन्दै सेवा अर्को सूचना जारी नगरेसम्म सेवा बन्द हुने जनाएको छ ।

कार्यालय प्रमुख सहित अन्य सेवा दिने कर्मचारीहरु समेत होम आईसोलेशनमा बस्नुपर्ने भएकोले विभागबाट प्रदान हुने सेवाहरु बन्द हुने जनाइएको छ । सोही क्रममा औषधी व्यवस्था विभाग डिल्ली बजार काठमान्डौले समेतले सेवा बन्दको सूचना जारी गरेको हो ।

सेवा दिने कर्मचारीहरु आईसोलेशनमा बस्नुपर्ने अवस्था आएकोले सँस्था नविकरण बाहेक अनुगमन नीरिक्षण कार्यहरु तत्काल बन्द गरिएको जनाइएको छ ।