कालोपत्रे (पीच) गर्नुपर्ने सडकमा धमाधम ढलान, बजेट सिध्याउने दाउमा ठेकेदार

न्यूज ब्यूरो, सर्लाही । प्रदेश २ को सर्लाही जिल्लाको मंलगवा नगरपालिका स्थित जिविस चौक देखि राजश्री सिनेमा हल सम्मको १७०० मिटर मुल सडक कालोपत्रे गर्नुपर्ने ठाउँमा धमाधम ढलान हुन थालेपछि स्थानियवासीले आपत्ति जनाएको छ ।

सर्लाहीको नवलपुरदेखि सदरमुकाम मंलगवा सहर हुदै बार्डर सम्म जोडने सडक विभाग अन्तर्गतको जिविस चौकदेखि राजश्रीहल सम्मको कालोपत्रे हुन बाँकी रहेको बाटोमा ढलान गर्दा आम नागरिकहरुको स्वास्थमा प्रतिकुल असर पर्ने र सहरको सौन्दर्याातामा समेत आँच आउने, सरकारको बजेट व्यापक दुरुपयोग भईरहेको भन्दै नागरिकहरु विरोध गरेका छन ।

स्थायिवासी डा। राकेश कुमार यादव लगायत २६ जनाको समूहले लिखित रुपमा ढलान कार्य तत्काल रोक्का गरी उच्चस्तरीय छानविन समिति गठन गरी ढलान कार्यमा संलग्न मंलगवा नगरपालिकाको मेयर निरशल साह, वडा नं. ६ का वडाअध्यक्ष मुकेश कुमार झा, सम्झौता गर्ने ठेकेदार किसुनदेव राय, स्मार्ट सिटी योजना संचालनको ईन्जीनियर हरिशंकर लगायत व्यक्तिहरुले सरकारी बजेटको व्यापक दुरुपयोग गरेको भन्दै जिल्ला प्रशासन कार्यलय सर्लाही र अख्तियार दुरुपयोग अनुसन्धान आयोग बर्दिवासमा कार्वाहीको माग राख्दै उजुरी समेत दर्ता गराएका छन ।

सर्लाहीको नवलपुरदेखि मंलगवा हुदै बोर्डरसम्म जाने बाटो सडक विभागको रहेकोमा केही स्थानियले सहरी विकासबाट बजेट लियाएर कालोपत्रे गर्नुको साटो धमाधम ढलान गर्न थालेपछि स्थानियवासीले विरोध जनाएको स्थानियवासी डा। राकेश कुमार यादव ले बताए ।

ढलानबाट निस्कने धुलो कणले आम नागरिकहरु स्वास्थमा प्रतिकुल असर पर्ने स्वास्थप्रश्वास सम्बन्धि रोगहरु दम, खोकी, फोक्सोमा गम्भीर असर पर्नेदेखि क्यान्सर जस्तो जटिल प्राकृतिकको रोग लाग्ने खतरा रहेको कुरा विज्ञानले समेत प्रमाणित गरिसकेको स्थानियवासी डा. यादवले दाबी गरे ।

जिल्लाकै सबैभन्दा पुरानो नगरपालिका रहेको सदरमुकाम मंलगवाको बिच सहर भएर ढलान हुदाँ सहरको सौन्दर्यतामा आँच आउनुको साथै सहर झन कुरुप बन्दै जाने चुनौती रहेका छन, ढलानको अनुमानित लागत समेत सार्वजनिक नगरेका छैन, हामीहरु आम नागरिकहरुको स्वास्थ, सहर सौन्दर्यतामाथि भएको खेलवाड तथा सरकारी बजेटको दुरुपयोगको विरुद्वमा विरोधमा उत्रिएको बताए ।

गैरकानुनी रुपमा भईरहेको ढलान कार्य समेत गुणस्तरहिन र सम्झौता भएको मापदण्ड विपरीत रहेको स्थानियवासी सुरेश यादव ले आरोप लगाए । मंलगवा नगरपालिकाले जिल्ला प्रशासन कार्यलयमा पठाएको राय सहितको प्रतिक्रियामा डबल जाली र १५ ईन्च ढलान गर्ने कार्यक्रम रहेको पेश गरेर पनि वास्तविक रुपमा एउटा मात्र जाली प्रयोग गरी १५ ईन्च भन्दा कममा नै धमाधम ढलान गर्दै आएको बताए ।

कालोपत्रको सटा ढलान गर्नकै लागि सडकबाट १५ देखि १८ ईन्च बराबरको ग्राभेल उठाएर अन्यत्र लगेको छ । सरकारको सम्पत्तिको उनिहरु कही भण्डारण अथपा बिक्री वितरण गरी हिनामिना गरेको हुनसक्ने हामीहरुको आशंका रहेको बताए ।

जिविस चौकदेखि राजश्री हलसम्म जाने सडक खण्ड डुबानको जोखिम उच्च भएको कारण कालोपत्रे भन्दा ढलान नै प्रभावकारी हुने भन्दै हामीहरु ढलान कार्यलाई अघि सारेको मंलगवा नगरपालिकाको मेयर निरशल साहले बताए ।

मंलगवा नगरपालिकाको मूल सडक ढलान कार्य गर्न शहरी विकास तथा भवन निमार्ण विभाग, संघिय आयोजना कार्यान्वयन ईकाई जनकपुरधाम बाट सघन शहरी विकास कार्यालय अन्तर्गत १ कि. मि ७०० मिटर ढलान गर्ने कार्य कार्यक्रम रहेको निमार्णधिन ढलान नभत्कयाउने र दिगो विकासलाई जोड दिएर पानी जम्ने ठाउँ भएकोले कालोपत्र नगरिएको बजारको बाटो निमार्ण गर्न अति आवश्यक भएकोले नगरपालिकाबाट बारबार संघिय आयोजना तथा आयोजना कार्यान्वयन ईकाईलाई अनुरोध गरेपछि कार्य प्रारम्भ भएको साह ले बताए ।

सडक ढलानको सन्दर्भमा उजुरी कर्ताले दिएको उजुरीको आधारमा हामीले मंलगवा नगरपालिकालाई स्पष्टीकरणको लागि चिठी पठाईसकेको जिल्ला प्रशासन कार्यलय सर्लाहीको सहायक प्रमुख जिल्ला अधिकारी भूमिश्वर पोखरेलले बताए । मंलगवा नगरपालिकाबाट समेत स्पष्टीकरण समेत हामीले प्राप्त गरिसकेका छौ तर नगरपालिकाले पठाएको पत्रमा उजुरीकर्ताको चित्त नबुझेका कारण प्राविधिक टोलिसहित स्थलगत अनुगमन गरी आवश्यक परे कार्वाहीको लागि अघि बढाउने प्रक्रियामा समेत रहेको बताए ।

सर्लाहीको स्मार्ट सिटी योजना अन्तर्गत हाम्रो मंलगवा क्षेत्र भित्रका सडकहरु गुणस्तरीय पिचिंग सडक निमार्ण गर्ने कार्य रहेको छ । मंलगवा नपा १० अन्तर्गत जिविस चौक देखि मार्केट जाने भित्री रुटसम्मको बाटो निर्माणको लागि ढलान गर्ने कार्यक्रम गर्दा सहरको कुरुप बन्दै जाने खतरा स्थानियवासीहरुको रहेका छन ।

स्थानिय सरकार निमार्ण भएको चौथो आर्थिक बर्ष बित्न लाग्दा पनि सर्लाहीकै ज्येष्ठ नगरपालिकाको रुपमा रहेको मंलगवा नगरपालिकामा विकास निमार्ण कार्य नहुदाँ सुख्खामा धुलो र बर्षामा हुने हिलोको कारण आमनागरिकहरु सास्ती खेप्दै आएका छन ।

यता, कालोपत्रको साटो ढलान हुदै छ भने हाम्रो जिल्ला प्रशासन कार्यलय सर्लाही मंलगवाकै कार्यलयदेखि उत्तर क्षेत्रको बाटोमा भर्खरै मंलगवा नगरपालिकाले ढलान तोडी कालोपत्रे गरेको छ ।

यसरी एकातिर ढलान तोडी कालोपत्रे भईरहेको छ भने अर्कोतिर फेरी सोही ढलान गर्ने कार्य गर्न लागेको छ । अहिले ढलान गर्ने केही समयपछि पुन सोही ढलान फोडी कालोपत्रे गर्ने कार्यबाट सरकारी बजेटको व्यापक दुरुपयोग भइरहेको छ ।

स्थानिय निकाय चरम अनियमितता र भ्रष्टाचारमा लिप्त रहेको स्थााियवासीहरुको आरोप स्थानीयहरुको छ । सरकारले उच्चस्तरीय छानविन कमिटी गठन गरी दोषी जो कोहीलाई कानुनको दायरामा ल्याई हदैसम्मको कार्वाही गर्नुपर्ने सम्बन्धीत निकायसँग माग गरिएको छ ।