रौतहट ईशनाथ नगरपालिकाका मेयरलाई पनि २४ घण्टे स्पष्टिकरण, पद धरापमा

न्यूज ब्यूरो, रौतहट । प्रदेश २ को रौतहट जिल्लाका इशनाथ नगरपालिकाका मेयर सँतोष कुमार मेहतालाई नेपाली काँग्रेसले २४ घण्टे स्पष्टिकरण सोधिएको छ ।

नेपाली काँग्रेसबाट निर्वाचित भएका मेयर मेहताले निर्वाचित भएपछि नै पार्टीको हित विपरित कार्यहरु गर्दै आएको भन्दै उनलाई कारवाही किन नगर्ने भनेर २४ घण्टाभित्र स्पष्टिकरण पेश निर्देशन दिएको हो ।

नेपाली काँग्रेस जिल्ला कार्य समिति रौतहटका सभापति कृष्ण प्रसाद यादवद्धारा हस्ताक्षरित सो स्पष्टिकरण पत्रमा नेपाल लोकतान्त्रिक पार्टीबाट टिकट लिएर मेयर पद प्रत्यासी भई इशनाथ नगरपालिका रौतहटको मेयर पदमा निर्वाचित भएको तर तत्कालिन नेपाल लोकतान्त्रिक फोरम नेपाली काँग्रेसमा समायोजन भएपछि स्वतः नेपाली काँग्रेस भएको उल्लेख छ ।

निर्वाचित भएदेखि नै प्रत्यक्ष र अप्रत्यक्ष रुपमा पार्टीको विरोधमा क्रियाकलापहरु गर्दै आएको भन्दै राजनीतिक दल सम्बन्धी ऐन २०७३ को दफा ३१ को उफदफा (१)(२) बमोजिम कार्य गरेको बुझन आएको भन्दै पार्टी परित्याग गरेको वा यस्ता क्रियाकलाप गरेपछि कारवाही किन नगर्ने भन्दै स्पष्टिकरण सोधिएको हो ।