गर्मी बढेसँगै तराई मधेशका जिल्लामा लामखुट्टे (मच्छर) को प्रकोप बढ्यो

न्यूज ब्यूरो, जनकपुरधाम । गर्मी बढेसँगै जनकपुर शहर लगायत तराई मधेशको विभिन्न जिल्लामा लामखुट्टेको प्रकोप बढदै गएको छ ।

धनुषाजिल्ला सहित तराई मधेशको अन्य जिल्लाहरुमा लामखुट्टेको प्रकोप बढदै गएको हो । जनकपुरधाम शहरमा भने जाडो वा गर्मीमा लामखुट्टेको प्रकोप सधैं रहदै आएको छ । यद्यपी, गर्मीकौ मौसममा भने झन बढदे गरेको छ ।

गर्मी मौसम शुरु हुने समयमा लामखुट्टेको प्रकोप बढ्ने भए पनि मलङ्गवा नगरपालिकाले समयमा औषधि नछर्किंदा लामखुट्टेको प्रकोप ह्वात्तै बढेको हो ।
नगरपालिकाले समयमै लामखुट्टे मार्ने औषधि नछर्किंदा मानिसमा लामखुट्टेको टोकाइबाट हुने विभिन्न प्रकारका रोग लाग्न सक्ने सम्भावना बढदै गएको हो ।

सरसफाइ व्यवस्थापन र लामखुट्टेको न्यूनीकरणमा जनकपुरधाम उपमहानगरपालिका उचीत ध्यान नदिँदा तथा उचित सरसफाइ हुन नसक्दा जनकपुर बजार क्षेत्र तथा टोलबस्तीमा यतिबेला लामखुट्टेको प्रकोप बढेको छ ।

कुनै दिन उपमहानगरपालिकाले लामखुट्टेको औषधी छर्केपनि त्यसले खासै प्रभाव भने पार्न सकेको छैन ।