तत्काल रेल सँचालनको लागि अधिकारीहरुको निरिक्षण

न्यूज ब्यूरो, जनकपुरधाम । जयनगर–कुर्था–बर्दिवास रेल्वे सँचालनको लागि आज अधिकारीहरुले नीरिक्षण गरेका छन् । उनीहरुले जनकपुर हुँदै जयनगरसम्म पूर्वाधारको नीरिक्षण गरेका हुन् ।

यातायात मन्त्री वसन्त नेम्बाँग सहितको टोलीले जयनगर कुर्था रेल्वे तत्काल सँचालनको लागि पूर्वाधारको नीरिक्षण गरेका हुन् । मन्त्रीसँगै सचीव रबिन्द्रमान श्रेष्ठ, रेल बिभागका डिजी तथा रेल्वे कम्पनिका महाप्रबन्धक लगायत टिमको जयनगर–बर्दिबास रेल्वेको जयनगर –कुर्था सेक्सनमा रेल तत्काल संचालन गर्न भएका तयारीको निरिक्षण गरिएको हो ।

यसअघि मन्त्री नेम्वाँगले कोभिडको कारण मात्र रेल्वे सँचालन हुन नसकेको प्रतिक्रिया दिएका थिए । कोभिड केही महिना कम भएपनि रेल्वे भने सँचालन गर्न सकेनन् । अहिले पुनः कोभिडको लहर चलेको छ ।