किन अहोरात्र सफाई गर्छन यी युवाहरु ?

अभिनय मिश्र ||
जनकपुरधाम, १६ फागुन । महासफाई अभियानलाई तिव्रता दिँदै एकिकृत चाइल्ड क्लबले रातीमा समेत सफाईलाई निरन्तरता दिइएको हो ।

क्लबका अध्यक्ष दिवाकर उप्रेतिको नेतृत्वमा गएको नवयुवकहरुको टोलीले जनकपुर अञ्चल अस्पतालमा रातीमा पनि सरसफाई गरेको हो ।

जनकपुर सुतेपनि जनकपुरका युवाहरु नसुत्ने नाराका साथ अहोरात्र खटेर गन्दकी सफाईमा लागेका हुन् ।
क्लीन एण्ड ग्रीन जनकपुर अभियानलाई मूर्त रुप दिनको लागि एकिृकृत चाइल्ड क्लबले समेत आफनो अभियानलाई तिव्र बनाएका हुन् ।

जनकपुरलाई सुन्दर बनाउन जनकपुरवासीले दैनिक व्यवहार सुधारे निकट भविष्यमै यो अभियानलाई मूर्त रुप दिने अभियानी दिवाकर उप्रेतिले न्यूज ब्यूरोसँग भने ।

अभियानको क्रममा भोलीको दिनमा अस्पतालका मेसुलाई अस्पताल सफाईमा जुटाउने दाबी उनले गरे ।