तीन वटा भारतीय गाडी प्रहरीले गरे पक्राउ

न्यूज ब्यूरो, वीरगँज । प्रहरीले पर्साबाट तीनवटा भारतीय सवारी साधन नियन्त्रणमा लिएको छ । शनिबार अपरान्ह भारतीय नम्बरको ट्रक, स्कुटर र मोटरसाइकल प्रहरीले नियन्त्रणमा लिएको हो।

वीरगञ्ज महानगरपालिका १६ बाट भारतीय नम्बर बीआर०६जीडी ४१५६ नम्बरको ट्रक, बीआर ०५ एच १५११ नम्बरको पल्सर मोटरसाइकल र बीआर ०० ३३८९ नम्बरको पैसन प्रो मोटरसाइकल नियन्त्रणमा लिएको जिल्ला प्रहरी कार्यालय पर्साका प्रवक्ता डीएसपी प्रल्हाद कार्कीले जानकारी दिए । डिएसपी कार्कीका अनुसार एउटा नम्बर नभएको मोटरसाइकल पनि नियन्त्रणमा लिएको छ ।

सबै सवारी साधनको मूल्य ४१ लाख ६० हजार रुपैयाँ रहेको प्रहरीले अनुमान गरको छ । गाडीका बारेमा वरपर सोधपुछ गर्दा कोही कसैले हकदाबी नगरेकाले बरामद गरिएको प्रहरीको दाबी छ ।

सवारी साधनसँग सम्बन्धित आवश्यक कागजातसहित कोही पनि प्रहरी कार्यालयमा सम्पर्क गर्न नआएकाले आवश्यक कारवाहीको लागि वीरगञ्ज भन्सार कार्यालयम बुझाइएको डीएसपी कार्कीले बताए ।