होलीले भाईचाराको सम्बन्ध प्रगाढ बनाउँछ : मेयर साह

न्यूज ब्यूरो, जनकपुरधाम । धनुषाको सबैला नगरपालिकाका मेयर विजय शँकर प्रसाद साहले होली उत्साह र भाईचाराको सम्बन्ध अझ प्रगाढ बनाउने उत्सव रहेकोले भाइचारा कायम गर्न आग्रह गरेका छन् ।

शनिबार सबैला नगरपालिकाको ठिल्ला स्थित रहेको सरस्वति माविमा आयोजना गरिएको होलीको शुभकामना आदानप्रदान कार्यक्रममा बोल्दै मेयर साहले होलीमा सबैले भाइचाराको सदभाव प्रकट गर्न आग्रह गरे ।

उनले कोरोनाको सँक्रमण बढन थालेपछि चिन्ता व्यक्त गर्दै स्वास्थ्यको मापदण्डहरु अपनाएर होली मनाउन आग्रह समेत गरे । प्रमुख आतिथ्यको आसनबाट बोल्दै मेयर साहले होलीसँगै विकास निर्माणको कार्यहरु समेत तीव्र रुपमा बढने बताए ।

विद्यालयका प्रधानाध्यापक राम ईश्वर यादवको अध्यक्षता तथा मेयर साहको प्रमुख आतिथ्यमा सम्पन्न भएको होलीको शुभकामना आदान प्रदान कार्यक्रममा मेयर साहले नगरवासीमा होलीको शुभकामना जाहेर गरे ।

कार्यक्रममा सबैला नगरपालिका शिक्षा संयोजक राम दुलार यादवले नबुझे तापनि टाउको हल्लाई रहने र मन नमिले तापनि हात मिलाई राख्ने प्रवृति सुधार गरी मन हात दुवै मिल्नु आवश्यक रहेको बताए ।

उनले सदभावको पर्व भनिएको होलीमा जात, धर्म भन्दा माथि उठेर सदभाव कायम गर्नुपर्ने बताए । होलीको माध्यमले पनि एक अर्कोको कमि कमजोरी सुधारको अपेक्षा समेत गरे ।

सो कार्यक्रममा उपस्थित विभिन्न निकायका व्यक्तिहरुले होलीमा मन मिल्नु आवश्यक रहेको बताउँदै होलीको असली मर्म नै तन, मन, धनले एक आपसप्रतिको विश्वास जाहेर गर्नु रहेको बताए ।

नगरकी उपमेयर निलु देवी कापरको विशिष्ट आथ्यिमा सम्पन्न भएको सो होली शुभकामना आदान प्रदान कार्यत्रममा सबै वडाका वडाध्यक्ष, आसमान नेपाल तथा सबैला नगरपालिका निक शिक्षा दिअ परियोजनाको संयोजक सुरेश यादव , ईलाका प्रहरी कार्यालय सबैला शसस्त्र प्रहरी बल रघुनाथपुरको प्रतिनिधि , स्वास्थ्यकर्मी, विद्यालयका कर्मचारी, शिक्षकहरुको उपस्थिति रहेको थियो ।

कार्यक्रम सञ्चालन पवन कुमार महतोले गरेका भने नथुनी साहले स्वागत मनतव्य राखेका थिए । कार्यक्रममा विभिन्न निकायका व्यक्तिहरुको सक्रिय उपस्थिति रहेको थियो ।