धनुषाको दिगम्बरपुरमा एकदिने पशु स्वास्थ्य सेवा शिविर

न्यूज ब्यूरो, धनुषा । धनुषाको क्षिरेश्वरनाथ नगरपालिकाको दिगम्बरपुरमा एक दिने पशु स्वास्थ्य शिविर सम्पन्न भएको छ ।

क्षीरेश्वरनाथ नगरपालिका वडा नम्बर ८ दिगमबरपुरमा सम्पन्न भएको सो पशु स्वास्थ्य शिविरबाट सयौं पशुहरुलाई स्वास्थ्य सेवा प्रदान गरिएको हो ।

नेपाल पशु स्वास्थ्य सेवा प्रविधिक संघ र क्षिरेश्वरनाथ नगरपालिकाको सहकार्यमा दिगम्बरपुरमा पशु स्वास्थ्य सेवा शिविर गरिएको छ । सो शिविरमा गाउँ भरीका किसानहरु घरपालुवा पशुहरुको स्वास्थ्य चेकजाँच गराई सहभागी जनाएको थियो ।

रामनारायण साहको अध्यक्षता तथा नगर प्रमुख योगेन्द्र पंजियारको प्रमुख आतिथ्यमा उदघाटन कार्यक्रम गरिएको थियो ।

सो क्रममा नगर प्रमुख पँजीयारले पशुलाई समय समयमा चेकजाँच गराउनुपर्ने तथा किसानको आयश्रोतको मुख्य बाटो एउटा घरपालुवा पशु समेत रहेकोले यसलाई पनि मानवझै ध्यानमा राख्नुपर्ने बताएका थिए । नगरपालिकाले यस्ता शिविरहरुको लागि अन्य ठाउँहरु चयन गर्ने बताए ।

कार्यक्रममा वडा अध्यक्ष अशेश्वर महतोले शिविरमा सहभागी किसानहरुलाई विभिन्न किसिम पशु सम्बन्धि रोगहरुको बारेमा जानकारी गराएका थिए । ल्याब चेकगरी रोगहरुको बारेमा जानकारी गराउँदै समयमै उपचार गराउन समेत आग्रह गरे ।

सो कार्यक्रममा प्रमुख प्रशासकिय अधिकृत प्रमोद घिमिरे, NELTA का स्वास्थ्यकर्मीहरु,स्थानिय समाजसेवीहरुको सहभागिता रहेको थियो ।