१५ दिने परिक्रमाको धार्मिक लस्कर आज जनकपुर आईपुग्यो, भोली अन्तरगृह परिक्रमा

न्यूज ब्यूरो, जनकपुरधाम । १५ दिने मधेशको माध्यमिकी परिक्रमा (Parikrama) को धार्मिक लस्कर शनिबार (आज) जनकपुर (Janakpur) मा विश्राम लिएका छन् ।

गत फागुन २९ गतेदेखि विधिवत रुपमा सुरु भएको मधेशको महाकुम्भ (Madhesh Mahakumbha) मानिने परिक्रमा शनिबार जनकपुरमै विश्राम लिँदै भोली आईतबार विहानै अन्तरगृही परिक्रमा गरी सम्पन्न हुनेछ ।

विहान २ बजेदेखि नै जनकपुरमा विश्राम लिएका परिक्रमा धार्मिक यात्रीहरु अन्तरगृह परिक्रमाको लागि निस्कने गरिन्छ ।

पाँचकोषको दुरी तय गर्ने भएकोले अन्तरगृही परिक्रमालाई पञ्चकोशी परिक्रमा (Panchkoshi Parikarma) समेत भन्ने गरिन्छ । १४ दिनसम्म परिक्रमा नगएका तथा मात्र पञ्चकोशी घुमेपछि पनि १५ दिनकै पुण्य हुने किम्बदन्ती रहेको छ ।

परिक्रममा विभिन्न जिल्लाबाट आएका साधुसन्त, महिला, युवायुवति, वृद्धवृद्धाहरुको सहभागीता भने मोटो रहने गरेको छ ।

रातिदेखि नै अन्तरगृहि परिक्रमा उठने भएकोले त्यसको सुरक्षाको लागि जिल्ला प्रहरी कार्यालय धनुषा (District Police Office Dhanusha) बाट सिलिभ पोशाकमा धार्मिक लस्करको बीचमा प्रहरी खटाउने भएको छ ।

धार्मिक परिक्रमाको क्रममा उच्छृंगल गतिविधि गर्ने, अपराधिक क्रियाकलापलाई नियन्त्रण गर्नको लागि सादा पोशाक, पोशाकमा समेत प्रहरी खटाइने भएको छ ।

प्रत्येक वर्ष होलिका दहनपछि अन्तरगृही परिक्रमा गर्ने गरिएको छ । आज राती होलिका दहन (Holika Dahan) समेत हुने भएकोले विहानै धुलो उडाउँदै जनकपुरमै पनि होली खेलिन्छ । तराईमा भने सोमबार होली मनाइने भएको छ ।

आईतबार अन्तरगृही परिक्रमा (Antargriha Parikarma) सकेपछि सोमबार होली पर्व मनाइने भएको छ ।