धनुषाधाममा परिक्रमा यात्रीलाई स्वागत भोली सत्तोषर विश्राम

विनय कुमार यादव ||
धनुषा, १२ फागुन । मिथिला माध्यमिकी परिक्रमालाई धनुषाधाममा भव्य स्वागत गरिएको छ ।

नगरपालिकाका मेयर सहित स्थानीय समुदायिक तथा नीजि विद्यालयहरु सहित स्थानीय क्लबहरुले अन्य वर्ष झैँ भव्य स्वागत गरेका हुन् ।

परिक्रमाको धार्मिक लस्कर धनुषाधाम नगरपलिका वडा नं. ३ धनुषाधाममा धनुष जनता उच्च मा बि तथा प्राबधिक बिधालय , धनुष आवसिय बिधालय, बाल आवसिय विधालय , धनुषबाल मन्दिर सहित स्थानीय नेपाल प्रहरी, सशस्त्र प्रहरीको टोलीले सरसफाई गरेका हुन् ।

नगर प्रमुख मेयर बालेश्वर मण्डल, वडा न ३ अध्यक्ष राजकिशोर साह दलित युबा सन्जाल केन्द्र का अध्यक्ष बिशेश्वर मण्डल र धनुष स्पोर्ट्स टिम का अध्यक्ष लक्ष्मी साह नेपाल प्रहरी निरीक्षक प्रकाश दहाल र शस्त्र प्रहरी नीरिक्षक सुबर्न पोख्रेल लगायत को उपस्थितीमा सरसफाई गरिएको न्यूज ब्यूरो सहकर्मी विनय कुमार यादवले जनाए ।

धनुषाधाममा परिक्रमा यात्रीलाई प्राथमिक स्वास्थय केन्द्र धनुषा धाम ले निःशुल्क स्वास्थ्य शिविरको आयोजना गरिएको स्वास्थ्य केन्द्र का छेबी मण्डलले बताए।

परिक्रमा यात्री लाई कुनै समस्या हुन न दिनको लागि हरसम्भव प्रयास गरिने मेयर मण्डलले प्रतिवद्धता जाहेर गरे ।

यसअघि परिक्रमाको धार्मिक लस्करलाई मध्यनजर गर्दै धनुषाधामकै नौसयविघामा बजरंग यूवा क्लबले समेत सफाई गरेका थिए ।

क्लबका अध्यक्ष रामपुकार यादव बाबा को नेतृत्वमा परिक्रमाको किशोरीको डोलालाई मध्यनगर गर्दै सरसफाई गरिएको थियो ।