पर्वतामा परिक्रमा यात्रीलाई भव्य स्वागत, भोली धनुषाधाम आउँदै

विनय कुमार यादव
धनुषा, ११ फागुन । मिथिलाको महाकुम्भ मानिने १५ दिने माध्यमिकी परिक्रममा आज धनुषाको पर्वतामा विश्राम लिएका हुन् ।

परिक्रमाको धार्मिक लस्करलाई स्वागत एवम् सुरक्षाको मध्यनजर गर्दै वृहत सरसफाई समेत गरिएको छ ।
धनुषाधाम नगरपालिका अन्तर्गत पर्ने पर्वतामा परिक्रमाको धार्मिक लस्कर आउनु पूर्व नै भव्य स्वागतको लागि स्थानीय केही युवाहरुले वृहत सरसफाई गरी सहजता तुल्याएका हुन ।

नगरपालिकाका वडा अध्यक्ष इन्दल महतो तथा मिथिला बिहारी परिक्रमा पर्वताका अध्यक्ष अनिल कुमार सिंह सहित स्थानीय बुद्धिजीवीको विशेष सक्रियतामा वृहत सरसफाई गरिएको थियो ।

यसका साथै, प्रत्येक वर्ष परिक्रमामा सहभागी श्रद्धालुलाई बाँडीदै आएको खद्यान्नहरु यसपाली समेत वितरण गरिने वडाध्यक्ष महतोले न्यूज ब्यूरोसँग भने ।

परिक्रमाको धार्मिक लस्करललाई स्वागतको लागि यहाँका समाज एक वर्ष प्रतिक्षा गर्नेगर्दछन भने स्वागतकै लागि ललायित रहेको हुन्छन् ।

परिक्रममाका श्रद्धालुलाई स्वागत एवम् दान गरे महापुण्य हुने विश्वास रहेको छ ।

भोली विहानै परिक्रमाको धार्मिक लस्कर ऐतिहासिक धनुषाधाम विश्राम गर्ने हाम्रो सहकर्मी विनय कुमार यादवले जनाए ।