कुशवाहा विद्यार्थी कल्याण समाजको अध्यक्षमा मुकेश महतो

न्यूज ब्यूरो, सिरहा । कुशवाहा जातीहरुको विद्यार्थी सँगठन नेपाल कुशवाहा विद्यार्थी कल्याण समाजको केन्द्रीय अध्यक्षमा मुकेश महतो चयन भएका छन् ।

आईतबार सिरहाको लहानस्थित रहेको नेवी ठगनी देवी कुशवाहा सेवा सदनमा भएको चौथो केन्द्रीय अधिवेशनबाट महतोलाई निर्विरोध चयन गरिएको जनाइएको छ ।

समाजका गुनानन्द महतोको अध्यक्षतामा भएको सो अधिवेशनबाट मुकेश महतोलाई नेपाल विद्यार्थी कल्याण समाजको केन्द्रीय नेतृत्वको रुपमा स्वीकारेको हो । अध्यक्षमा चयन भएपनि महतोलाई समाजिक सँजाल, मेसेज मार्फत चौतर्फी बधाई दिएको छ ।

तराई मधेशको १४ वटा जिल्लाको प्रतिनीधि सहभागी भएको सो अधिवेशनबाट १६ सदस्यीय कार्य समिति चयन गरेको जनाइएको छ ।

अधिवेशनको लागि समाजका राष्ट्रिय अध्यक्ष तपेश्वर महतो सहित विशेष अतिथिको रुपमा पूर्वमन्त्री लक्ष्यमा मेहता समेतको उपस्थिति रहेको थियो । यस्तै विश्वनाथ महतो, जिल्ला अध्यक्ष धनपति महतो, निवर्तमान केन्द्रीय अध्यक्ष विजय सिँह, जिल्ला सल्लाहकार रोशन सिँह कुशवाहा, वियन सिँह, सुरेश महतो, राम नारायण मेहता लगायतको उपस्थिति रहेको थियो ।