लहानमा बम विस्फोट, एक घाइते

सिरहा, १० फागुन । सिरहाको लहान नगरपालिकाको मुख्य बजार क्षेत्रमै बम विस्फोट भएको छ । बिहीबार दिउँसो प्रेसर कुकर बम विस्फोट हुँदा लहान १ का ४५ वर्षीय अनिल अग्रवाल घाइते भएका छन् ।

टाउको र गर्धनमा चोट लागेका अग्रवालको स्थानीय स्वास्थ्य संस्थामा उपचार भइरहेको छ । इलाका प्रहरी कार्यालय लहानका डीएसपी गणेश चन्दका अनुसार बम विस्फोट भएको स्थलमा जनतान्त्रिक तराई मुक्ति मोर्चा गोहित समूहको पर्चा भेटिएको छ ।

विस्फोटको विषयमा थप अनुसन्धान भइरहेको प्रहरीले जनाएको छ । लहान बजारको मुख्य चोकमा रहेको मारुती होटल अगाडि बम विस्फोट भएको हो । घटनाको थप विवरण आउँन बाँकी छ ।