आँखा देख्न नसक्ने महरालाई नौयसविघा समाजको सहयोग

न्यूज ब्यूरो, धनुषा । विदेशमा रहेका धनुषाको नौसयविघाका युवाहरुको समूह अहिले समाजिक कार्यमा निरन्तर सहयोग गर्दै आएका छन् ।

परेको बेला असहाय, गरिब विपन्नलाई निरन्तर सहयोग गर्दै आएको नौयसविघा समाज सहयोगी युवा समूहले आईतबार धनुषाको सबैलामा सहयोग गरेका छन् ।

मानव सेवा नै धर्मको हो भन्दै समूहले धनुषाको सबैला नगरपालिका वडा नम्बर ३ स्थित रहेको दलित वस्तीमा आँखा नदेख्ने एक महिला र फरक क्षमता भएका (अपाँग) लाई १० हजार रुपैयाँ सहयोग गरेको हो ।

स्थानीय भोली महारा र आँखा नदेख्न सक्ने जयकाला महारालाई आर्थिक सहयोग गरिएको हो । उनीहरुलाई खाद्यान्न, कपडा र नगद समेत सहयोग गरेको हो । यसअघि पनि युवाहरुको यो समूहले विभिन्न ठाउँमा सहयोग गर्दै आएको छ ।