काठमान्डौँमा विस्फोटक पदार्थ, सेनाद्वारा डिस्पोज

न्यूज ब्यूरो ||

भक्तपुर, ८ फागुन : काठमान्डौँ मध्यपुरथिमिको चारदोबाटोमा झोलाभित्र राखेको विस्फोटक पदार्थलाई नेपाली सेनाले निष्क्रिय गरेको छ ।

आज दिउँसो ३ बजे साझा पेट्रोल पम्प नजिकै रूखको फेदमा झोलाभित्र विस्फोटक पदार्थ भेटिएपछि नेपाली सेनाको टोलीलाई बोलाएको महानगरीय प्रहरी वृत्त थिमिका प्रहरी नायब उपरीक्षक प्रज्वल महर्जनले जनाए ।

मानिसहरुको बाक्लो आवत–जावत हुने क्षेत्रमा विस्फोटक पदार्थ भेटिएपछि ६ लेन सडकको काठमाडौं बाट भक्तपुरतर्फ जाने सडक बन्द गराएर आवत–जावतमा समेत रोक लगाएको थियो ।

सेनाको पहिलो टोलीले डिस्फोज गर्न नसकेपछि बम निष्क्रिय टोली आएर बम निष्क्रिय गरेको प्रहरीले जानकारी दिएको छ ।