गोलबजार–३ जरुवामा शिव मन्दिरको मूर्ति स्थापना तथा प्राणप्रतिष्ठा सम्पन्न

न्यूज ब्यूरो, सिरहा । सिरहाको गोलबजार नगरपालिका–३, जरुवास्थित शिव मन्दिरमा मूर्ति स्थापना तथा प्राणप्रतिष्ठा कार्यक्रम सम्पन्न भएको छ ।

मधेश प्रदेशको शिक्षा तथा सांस्कृतिक मन्त्रालयबाट प्राप्त १६ लाख रुपैयाँ अनुदानमा निर्माण गरिएको मन्दिरमा जग्गादाता स्वर्गीय नन्दलाल सुनवारको स्मृतिमा शिवमूर्ति स्थापना गरिएको हो ।

समाजसेवी तथा युवा नेता राम सगुन यादव र उनकी श्रीमती रेखा कुमारी यादवको संयुक्त आयोजनामा रुद्राभिषेक पूजा, पाठ तथा मूर्ति स्थापना कार्यक्रम सम्पन्न भएको जनाइएको छ ।

वि.सं. २०८३ साल कात्तिक ७ गते आयोजित कार्यक्रममा वैदिक विधिअनुसार पूजापाठ गरी मूर्तिको प्राणप्रतिष्ठा गरिएको थियो ।

स्थानीय धार्मिक तथा सांस्कृतिक आस्थासँग जोडिएको यस कार्यक्रमले जरुवा क्षेत्रको धार्मिक गतिविधि र सांस्कृतिक परम्पराको संरक्षणमा योगदान पुर्‍याउने अपेक्षा गरिएको छ ।