सबैलाको मेलाः बन्दुक लिएर ओँरकेष्ट्रामा नाच्ने धनुषाकी नाजिमा खातुन पक्राउ

न्यूज ब्यूरो, जनकपुरधाम । धनुषामा सार्वजनिक स्थानमा अश्लील नृत्य गरेको भिडियो बनाएर सामाजिक सञ्जालमा अपलोड गरेको आरोपमा एक युवती पक्राउ परेकी छन् ।

जिल्ला प्रहरी कार्यालय धनुषाका अनुसार नगराइन नगरपालिका–६ बस्ने अन्दाजी २५ वर्षीया युवती नाजिमा खातुनलाई पक्राउ गरिएको हो । उनले सार्वजनिक स्थानमा अश्लील नृत्य गरेको भिडियो बनाई सामाजिक सञ्जाल फेसबुकमा अपलोड गरेको प्रहरीको विज्ञप्तिमा उल्लेख छ ।

प्रहरीका अनुसार उक्त भिडियो सार्वजनिक भएपछि युवतीलाई नियन्त्रणमा लिइएको हो । उनलाई मिति २०८३ कात्तिक ४ गते राति करिब ११ः३० बजे गणेशमान चारनाथ नगरपालिका–९ बरमझियाबाट प्रहरी टोलीले नियन्त्रणमा लिएको विज्ञप्तिमा जनाइएको छ ।

सबैला वडा नं. ४ पटेर्वामा ओरकेष्ट्रा नाचेपछि पुनः नाचको लागि बरमझिया गएको बेला उनलाई पक्राउ गरिएको हो । भिडियो्मा देखिएका युवक भने फरार रहेका छन् ।

ओरकेष्ट्रा कार्यक्रममा खातुनलाई ममता नाम राखिएको थियो । उनी ममताको नामले परिचय गराउँछिन् ।

पक्राउ परेकी युवतीलाई जिल्ला प्रहरी कार्यालय धनुषामा ल्याई आवश्यक अनुसन्धान तथा कानुनी कारबाही प्रक्रिया अघि बढाइएको प्रहरीले जनाएको छ ।

सार्वजनिक स्थानमा हुने गतिविधि तथा सामाजिक सञ्जालमा पोस्ट गरिने सामग्रीप्रति धनुषा प्रहरीले निगरानी बढाएको जनाएको छ ।