आज विपल्वको नेपाल बन्द, प्रदेश २ मा शून्य प्रभाव

न्यूज ब्यूरो ||
जनकपुरधाम, ८ फागुन । विप्लव नेतृत्वको नेकपाले आह्वान गरेको नेपाल बन्दको आंशिक प्रभाव परेको छ ।

विराटनगरबाट विप्लव नेतृत्वको नेकपाका नेताहरुलाई प्रहरीले पक्राउ गरेको विरोधमा आज बन्द आह्वान गरिएको हो ।

बन्दको प्रभाव भने नेपालभरि आँशिक रुपमा परेको देखिएको छ ।
राजधानी काठमान्डौँमा पनि आँशिक प्रभाव परेको छ भने अन्य ठाउँमा समेत आँशिक मात्र प्रभाव परेको हो ।

प्रदेश नं. २ मा भने बन्दको शून्य प्रभाव परेको देखिएको छ ।
प्रदेश २ को ८ वटै जिल्लामा विपल्वले आव्हान गरेको बन्दको प्रभाव नदेखिएको हो । विहानैदेखि सवारीसाधनहरु गुडेका छन् भने कलकारखाना, शैक्षिक सँस्थान, बजार समेत पूर्णरुपमा खुल्ला देखिएको छ ।

अप्रिय घटना केही भएको छैन । गाडीहरु पनि चलिरहेका छन् ।’

नेकपाका नेताहरु पक्राउ परेको जिल्ला मोरङमा बन्दको प्रभाव सामान्य छ ।

बजार, कलकारखाना, शैक्षिक संस्थाहरु बन्द छन् । तर, छोटो दुरीका सवारी साधनहरु भने चलिरहेका छन् ।

धनुषामा २ तथा मोरङमा ४ जना पक्राउ

धनुषाबाट केही महिनाअघि विपल्वका दुई जना पक्राउ परेका छन् । पार्टीको अभियानको क्रममा पक्राउ परेका आफना कार्यकर्ताको रिहाईको माग गर्दै बन्दको आव्हान गरिएको विपल्वका धनुषा जिल्ला ईन्चार्ज राजु कार्कीले न्यूज ब्यूरोसँग भने ।

अभियानको क्रममा बिहारी राय र जाहिर राईन पक्राउ परेको हो ।

यस्तै, कोशी राजमार्गअन्तर्गतको टंकी सिनुवारीमा दुईवटा सवारी साधानमा ढुंगा हानेको आरोपमा विप्लवका ४ जना कार्यकर्तालाई प्रहरीले नियन्त्रणमा लिएको छ ।

प्रहरीका अनुसार, विप्लवका कार्यकर्ताले सशस्त्र प्रहरीको ट्रक र अर्को एउटा बसमा ढुंगा प्रहार गरेका हुन् । ढुंगा प्रहारबाट दुवै सवारीसाधनमा सामान्य क्षति पुगेको पुगेको छ