नारी दिवसको अवसरमा धनुषाधाममा रयाली

न्यूज ब्यूरो, जनकपुरधाम । १११ औँ अन्तर्राष्ट्रिय नारी दिवसका अवसरमा धनुषाधाममा रयाली निकालिएको छ ।

यस वर्षको नारी दिवसको नारा ‘महिला नेतृत्वः कोभिड–१९ सँगै समान भविष्यको प्राप्ति’ नारा सहित नारी दिवस मनाएको हो ।

धनुषाधाममा बिहान १० बजे नगरपालिकाबाट सुरु भएको र्‍याली बजारएरिया भरी परिक्रमा गरि नगरपालिका स्थित पुगेर समापन भएको थियो ।

कार्यक्रममा, धनुषाधाम नगरपालिका उपप्रमुख बिध्या देवि भुजेलको सभापतीमा कार्यक्रम भएको थियो । सो कार्यक्रमको आयोजना नगरपालिकाको महिला तथा बालबालिका शाखा गरेको थियो ।

र्‍यालीका सहभागीले ‘महिलाको कामको सम्मानः देशको निर्माण’, ‘वुमन राइट्स आर हुमन राइट्स’, ‘स्टप रेप’, ‘महिला रोकिए संसार रोकिन्छ’लगायत लेखिएका प्लेकार्ड र ब्यानर बोकेका थिए।महिलाको सुरक्षा सम्मान र रोजगार ,समृद्व नेपालको अधार विभिन्न नाराहरु लगाएको थियो उपमेयर भुजेलले बताइन ।

महिला अधिकारकर्मीहरु र महिला उधमीहरि कालिका मिझार लगायत करिब १३ जनाको सम्मान समेत गरिएको हो।

कार्यक्रममा बिशिस्ट अतिथि प्रशासकीय अधिकृत संजित प्रसाद दास,लेखा प्रमुख प्रशान्तदेब प्रसाद यादव ,वडा नं १ का वडा अध्यक्ष बिश्वनाथ यादव ,३ का अध्यक्ष राजकिशोर साह जिल्ला समन्वय समिती सद्स्य प्रमिला सादा लगायत नगरपालिकाका महिला कर्मचारीहरु सहभागी रहेका थिए ।

कार्यक्रमको संचालन महिला तथा बालबालिका शाखा प्रमुख शाल्नी झा गरेका थिए । वोरेक नेपाल संस्थाको सहभागीता समेत रहेका थिए ।