चिनी मिलले प्रदुषण गरेको भन्दै स्थानीयवासी आन्दोलित

न्यूज ब्यूरो, सर्लाही । सर्लाहीको हरिवानमा संचालित चिनि उद्योगबाट निस्कने हानिकारक रासायन, धुलो धुवाँ र दुर्गन्धका कारण आम नागरिकहरुको जिवन नरक भएको भन्दै स्थानियवासीहरु आन्दोलित बनेका छन ।

ईन्दु शंकर चिनी उधोगबाट निस्केको फोहोर र दुर्गन्धका कारण समस्यामा परेका स्थानीयवासीले दुर्गन्ध नियन्त्रण आन्दोलन परिचालन कमिटी गठन गरेर बनाएर आन्दोलन शुरु गरेका छन ।

आन्दोलिन नागरिकहरु समस्या समाधानको माग राख्दै हरिवन नगरपालिका, चिनि उद्योग प्रशासन, ईलाका प्रशासन र प्रहरी कार्यलयमा ज्ञापनपत्र समेत बुझाएको छ ।

चिनि मिलबाट निस्कने दुर्गन्धले हरिवन नगरपालिका वासिन्दाहरु मुख्यत चिनि मिल आसपास क्षेत्रका सर्वसाधारणहरु सास्ती खेप्दै आएको र बर्षेपिच्छे गरिएको सम्झौता कागमै सिमित देखियो तर व्यवहारमा लागु गरिएन यसरी पटक पटकको सम्झौताको पालन नगरी हरिवन नगरपालिकाको वासिन्दाहरुको स्वास्थसंग खेलवाड गरी अटेर गरिएको हुदाँ त्यहाँ चिनि मिल संचालकद्वारा हामी नागरिकहरुमाथि अत्याचार गरिएको जस्तो महसुस गर्नुपर्ने बाध्य भएको दुर्गन्ध नियन्त्रण आन्दोलन परिचालन कमिटीको उपाअध्यक्ष भगवती भण्डारी ले बताईन।

राम्रो स्वास्थका लागि स्वच्छ हावापानी र सुरक्षित वातावरणको आवश्यकता छ, यस्तै लापरवाही लगातार कायम रहेमा स्वच्छ समुन्नत हरिवन नगरपालिका कहिलेसम्म निमार्ण हुने हो त रु हामी नगरवासीलाई शंका लाग्न थालेको अवगत गराउन चाहेको गुनासो गरिन ।

उधोगले फैलाएको दुर्गन्धका कारण वालबालिका ज्येष्ठ नागरिमा वाक वाकी लाग्ने रिगंटा लाग्ने ,खाना मन नलाग्ने, झिंगा र लामखुट्टेको अत्यधिक बृद्धि, झिंगाका कारण आफनो करेसाबारिमा उत्पादित हरियो तरकारी समेत खान नसकिने अवस्थाको निर्माण भएको, चिनि मिलबाटै निस्केको हानिकारक रसायनका कारण बोटविरुवा, पशूपंक्षीमा नकरात्मक असर पर्नु , वरिवरी बसोबास गर्ने नागरिकहरुमा रुघा, खोकी, छाला तथा स्वासप्रश्वास सम्बन्धि विरामीहरुको संख्या दिनप्रतिनि बढनुको साथै विवाह भोज भतेर समेत रोकिनु पर्ने जग्गा जमिनको भाउँ घटने जस्ता समस्याहरु आफूहरुले झेल्नु कमिटी सदस्य बाँसु दाहालले बताए ।

राम्रो स्वास्थ्यका लागि स्वच्छ हावा पानी आवश्यक छ । नेपालको संविधानले पनि स्वच्छ वतावरणमा बाँच्न पाउने कुरालाई मौलीक हकको रुपमा सुनिश्चित गरेको बेलामा उधोगले स्थानीय नागरिकको स्वास्थ्यको ख्याल नगरि मुनाफा आर्जन गर्ने र संविधानले गरेको व्यवस्था गरेको कानुनको विपरीत उद्योग संचालन गर्दै आएको कमिटी अध्यक्ष अंजना कडरीयाले बताउनुभयो ।

चिनि मिलको निस्कने हानिकारक रासायन, प्रदुषण र दुर्गन्धको वैज्ञानिक व्यवस्थापनका लागि हाम्रो अग्रजहरु वि.सं. २०५६ साल देखि नै आवाज उठाउदै आएको र हामी पनि विगत दुई बर्ष देखि आन्दोलन परिचालन कमिटि बनाएर नै समस्या समाधानका लागि पटक पटक अहारगुहार र दबाबमूलक कार्यहरु गर्दै आएपनि सम्बन्धित उदासिन रहेको गुनासो गरिन ।

समस्या समाधानका लागि सम्बन्धित निकाय सकरात्मक नभएर हामी सडकमा आएर कडा आन्दोलन गर्न बाध्य हुने कमिटि अध्यक्ष कडरियाले चेतावनी दिए ।