हराएकी बालिका प्रहरीले केही घण्टामै खोजेर दिए

न्यूज ब्यूरो, सर्लाही । प्रदेश नम्बर २ को सर्लाहीमा एक बालक फेला पारी उनको अभिभावकलाई बुझाइएको छ ।

सर्लाहीको मलँगवा नगरपालिका वडा नम्बर ९ बस्ने मनिष यादवले प्रहरीमा दिएको निवेदनको आधारमा बालिकालाई फेला पारी उनलाई बुझाएको हो ।

अन्दाजी बर्ष ४ की कृति कुमारी यादव हराइरहेको भन्ने सूचना र निवेदनको आधारमा प्रहरीले खोजबिन गरी बालिकालाई उनको अभिभावकलाई जिम्मा लगाएको हो ।

जिल्ला प्रहरी कार्यालय सर्लाहीले सबै युनिटमा परिपत्र गरे लगत्तै विभिन्न ठाउँबाट निस्केको प्रहरी टोलीले सर्लाहीको ब्रम्हपुरी गाउँपालिका वडा नम्बर ३ स्थितबाट बेबारिसे अवस्थामा फेला पारी अभिभावकलाई बुझाएको हो ।

विहिबार करिब ७ः३० बजेको समयमा ती बालिकालाई फेला पारी मनिष यादवलाई जिम्मा लगाएको प्रहरीले जनाएको छ ।