शहिदका बालबालिकाले फ्रि पढ्न पाउने

न्यूज ब्यूरो ||
जनकपुरधाम, ७ फागुन । मधेस आन्दोलनको क्रममा सहादत दिएका परिवारबाट बालबालिकाहरुले निःशुल्क अध्ययन गर्न पाउने भएको छ ।

प्रदेश नं. २ को सन्दर्भमा नीजि विद्यालयहरुको सँगठन मधेस प्याबसनले यस्तो निर्णय गरेको हो ।

आज बसेको बैठकले मधेश आन्दोलनको क्रममा शहिद भएकाहरुको बालबालिकालाई निःशुल्क अध्यापन गराउने निर्णय गरेको छ ।

मधेश प्यावसन अन्तर्गतका कुनै पनि विद्यालयमा शहिद परिवारका ती बालबालिकाहरुले नामांकन गराई निःशुल्क अध्यन गर्न पाउने मधेश प्यावसन धनुषाका अध्यक्ष सुजित कुमार मिश्रले जानकारी दिएका छन ।

शहिदहरुको सम्मानमा मधेश प्यावसन धनुषाको बैठकबाट यो निर्णय गरिएको मधेश प्यावसन धनुषाका सचिव मो. फजले राईनले जानकारी दिएका छन ।

नव गठित मधेश प्यावसन धनुषाको पहिलो बैठकबाट नै गरिएको यो निर्णय प्रशंसनीय रहेको शिक्षाप्रेमीहरुले प्रतिक्रिया दिएका छन ।

मधेश प्यावसन धनुषामा ३५ विद्यालय आवद्ध रहेका छन ।