विरोध जुलुस अब 'विजयी जुलुस' मा परिणत भयो : नेता बरबरिया

बरबरियाले संविधान अनुसार राज्यका तीनवटै अङ्गबीचको शक्ति पृथकीकरण र सन्तुलन कायम गर्न फैसलाले मार्गप्रशस्त गरेको समेत बताए ।

२०७७ फाल्गुण १२ बुधबार
बिहान ०९:०८ बजे
न्यूज ब्यूरो, डेस्क
सरकारको कदमको विरोधमा काठमान्डौंमा विरोध प्रदर्शन गर्दै धनुषाको समिति

न्यूज ब्यूरो, जनकपुरधाम । नेपाल कम्यूनिष्ट पार्टी (नेकपा) प्रदेश कमिटि सदस्य उदय कुमार बरबरिया (यादव) ले जनताको क्रान्तीबाट आएको ऐतिहासिक फैसलाले निरंकुशताको एक अध्याय नै समाप्त भएको जिकिर गरेका छन् ।

मँगलबार सर्वोच्च अदालतले सँदस विघटनको निर्णयलाई बदर गर्दै सँसद पुनःस्थापनाको निर्णयको स्वागत गर्दै उनले सर्वोच्चको फैसलालाई जनहितकारी र एतिहासिक भएको बताए । 

न्यूज ब्यूरोसँगको संक्षिप्त टिप्पणीको क्रममा नेता बरबरियाले न्यायलयप्रतिको सम्मान र न्यायलप्रतिको दृष्टिकोण अझै स्वच्छ भएको जिकिर गरे । उनले भने,–“सम्मानीय सर्वोच्च अदालतले गरेको फैसला न्यायलको क्षेत्रमा एक नजिर स्थापित भएको छ । असत्यमाथि सत्यको विजयी भएको बिगुल पुनः फुकिएको छ ।”

मँगलबा साँझ सर्वोच्चको फैसलापछि धनुषाको शहिदनगर नगरमा दीप प्रज्वलन गर्दै विरोध जुलुसलाई विजयी जुलुसमा परिवर्तन गरेर मनाएको टिप्पणी गरे । उनले भने,–“अदालतले प्रधानमन्त्रीको कदमलाई बदर गर्ने निर्णय गरेर अत्यन्तै प्रशंसनीय र ऐतिहासिक फैसला गरेको छ ।”

 प्रधानन्यायाधीशलगायत सबै न्यायाधीशको पनि इज्जत र प्रतिष्ठा बढाएको बताउँदै नेता बरबररियाले नेपालले आम नेपाली जनताको चाहना बमोजिम संविधानको प्रावधान, मूल्य र मान्यता, त्यसको व्याख्यालाई न्यायाधीशहरूले सही ढङ्गले अगाडि सार्ने काम गरेकोे बताए ।

धनुषाको शहिदनगर नगरपालिकाका मेयर समेत रहेको नेता बरबरियाले सम्पूर्ण नेपाली जनता, आन्दोलनमा उत्रेका राजनीतिक दल र जनता, मिडिया, नागरिक समाज, नागरिक आन्दोलनका अगुवाहरु धन्यवादका पात्र रहेको बताए । 

नेता बरबरियाले प्रतिनिधिसभाको पुनःस्थापनाको पक्षमा लागेका राजनीतिक दल, नागरिक समाज, पत्रकार, कानून व्यवसायी सबैलाई धन्यवाद दिँदै उनीहरुले खेलेको भूमिकाप्रति आभार व्यक्त गरे । 

बरबरियाले संविधान अनुसार राज्यका तीनवटै अङ्गबीचको शक्ति पृथकीकरण र सन्तुलन कायम गर्न फैसलाले मार्गप्रशस्त गरेको समेत बताए । 

  • 0%
  • 0%
  • 0%
  • 0%
  • 0%
  • 0%

बच्चा खेलाउँदै बाँदर

  • २०७७ फाल्गुण १२ बुधबार

  सेन्ट्रल जू , सदर चिडियाखाना काठमान्डौँमा आफ्नो बच्चा खेलाउँदै गरेको बाँदर दम्पति । 

पूरा पढ्नुहोस्

Bureau Menus