सर्लाहीको त्रिभुवननगरबाट ठुलो परिमाणमा लागूऔषध बरामद

न्यूज ब्यूरो, सर्लाही । सर्लाहीको ब्रह्मपुरी गाउँपालिका वडा नम्बर ४ त्रिभुवननगरबाट सशस्त्र प्रहरी त्रिभुवननगर बिओपी का गस्ती टोलीले ठुलो परिमाणमा लागुऔषध बरामद गरेको छ ।

सय एमएलको १२५ बोतल टोफेक्स नामक लागुऔषध बरामद भएको सशस्त्र प्रहरी १० नंम्बर गणले जनाएको छ ।

त्रिभुवननगर स्थित काली मन्दिर बोर्डर एरियामा सोमबार भारतबाट कार्टुनमा प्याक गरि टाउकोमा बोकेर ल्याउँदै गरेको लागुऔषध बोर्डर आउट पोस्ट त्रिभुवननगरको गस्ती टोलीलाई देख्ने बित्तिकै फालेर भारततर्फ भागेका थिए ।

बरामद भएको लागुऔषध आवश्यक कार्यवाहीका लागि जिल्ला प्रहरी कार्यालय सर्लाहीमा बुझाइएको हो ।