अनेरास्ववियू विद्यार्थी नेता मंडलको अगुवाइमा नगराईनमा सफाई

न्यूज ब्यूरो, जनकपुरधाम । नेकपाको विद्यार्थी सँगठन अनेरास्वीयूका विद्यार्थी नेता आदर्श मण्डलको अगुवाईमा धनुषाको नगराईनमा सरसफाई गरिएको छ ।

“हाम्रो नगराईन, समृद्ध नराईन” मूल नारा सहित विद्यार्थी नेता मण्डलको अध्यक्षतामा एक कार्यक्रमको आयोजना गरी नेपाल भारत सीमाको नगराईनमा सरसफाई गरिएको हो ।

जटहीदेखि ढल्केवरसम्मको नयाँ बनेको र बन्दै गरेको ६ लेनको सडकमा धुलो तथा फोहोर जमेपछि मण्डलले नाका सफाई गर्ने निर्णय गरेको थिए । त्यसको लागि उनले विद्यार्थी सहित स्थानीय अगुवा, समाजिसेवीलाई जम्मा पारेर नाका सफाई गरेका हुन् ।

शनिबार अनेरास्वीयू नगराईनका विद्यार्थी नेता मण्डलको अध्यक्षता तथा जटही नाकाका सई मनिष श्रेष्ठको प्रमुख आतिथ्यमा समुदायिक प्रहरी साँझेदारी कार्यक्रम अन्तर्गत सफाई कार्यक्रम राखेर नाका सफाई गरेका हुन् । नास्ता, चाउचाउको प्याकेट, विस्कुटको प्याकेट, गुटखाको प्याकेटहरु जथाभावी फाल्दा सडक नै दुर्गन्धित बन्दै गएको बेला मण्डलले अग्रसरता देखाएपछि सफाई गरिएको छ ।

अनेरास्ववियू धनुषा जिल्लाको सह–संयोजक शिव झाको विशेष उपस्थितिमा अनेरास्ववियूका ५० जना नेताकार्यकर्ताको सहयोगमा सफाई कार्यक्रम गरिएको थियो ।