प्रदेश -२ मन्त्रिपरिषद्को पहिलो बैठकबाटै गरियो यस्तो निर्णय !

न्यूज ब्यूरो ||
जनकपुरधाम, ३ फागुन । मधेस आन्दोलनका प्रत्येक शहिद परिवारबाट एक जनालाई रोजगारी दिने निर्णय गरिएको छ ।

आज प्रदेश नं. २ का मुख्यमन्त्री लालबाबु राउत गद्दीले गठन गरेको सानो मन्त्रिमण्डलको निर्णय अनुसार आन्दोलनमा सहादत दिएका प्रत्येक शहिद परिवारबाट एक सदस्यलाई रोजगारी दिने निर्णय गरिएको हो ।

सपथ लगतै बसेको मन्त्रिपरिषद्को पहिलो बैठकले मधेस आन्दोलनका क्रममा ज्यान गुमाएका तथा असक्त घाइते भएकाहरुको परिवारका एक सदस्यलाई रोजगारी दिने निर्णय गरेको छ ।

शहिद परिवारबाट आमाबाबु, छोराछोरी र श्रीमती पर्नेछ जसमध्ये रोजगारी दिँदा पहिलो प्राथमिकता भने शहिदकी श्रीमतीलाई दिइनेछ ।

यसका साथै, आन्दोलनमा भएकाहरुको उपचारका साथै प्रदेशमा उपलब्ध हुने स्वास्थ्य, शिक्षा लगायतका सुविधा दिन सहिद तथा घाइते परिवारलाई उपचार खर्च दिने निर्णय समेत गरिएको छ ।

बन्द अवस्थामा रहेका सरकारी अर्ध सरकारी उद्योगहरु पुनःसंचालनका लागि पहल गर्ने निर्णय पनि मन्त्रिपरिषद्को पहिलो बैठकबाट लिएको हो ।