नौसय विगहा सेवा समाजद्धारा ट्रयाक्टर दुर्घटनामा मृत्यू भएका महरा परिवारलाई राहत

न्यूज ब्यूरो, जनकपुरधाम। धनुषाको कमला नगरपालिकामा नौसय विग्हा समाज सहयोग युवा समूहद्वारा राहत सहयोग गरिएको छ ।

धनुषा जिल्लाको कमला नगरपालिका वडा नम्बर हथमुन्डा टोल बस्ने विना देवी सदालाई मलेसिया ,साउदी ,कतार, कोरिया, भारतमा काम गर्ने स्थानीय युवाहरुको समूहले खाद्यान्न, लुगा कपडा र पशु सहयोग गरेका छन ।

यसका साथै, नौसय विग्हा समाज सहयोग युवा समूहद्वारा धनुषा जिल्ला विदेह नगरपालिका वडा नम्बर ३ गोबराहीमा ट्रयाक्टर दुर्घटनामा परी मृत्यू भएका विनोद महराको परिवारलाई पनि सहयोग गरेको हो ।

महराको परिवारले समाजिक संजाल मार्फत सहयोगको लागि अपिल पनि गरेका थिए । मृतक महराको घरमा श्रीमती र २ बर्ष को र अर्को ५ बर्ष बर्षको दुई बच्चा छन भने ५महिनाको बच्चा गर्भमा रहेको छ।

नौसयविघा युवा समाज समूहका पदाधिकारीहरुले जानकारी पाएपछि उनको परिवारलाई २५ हजार रुपैयाँ आर्थिक सहयोग गरेको हो । “सेवा र सहयोग नै मानब धर्म हो, बाच्नु कुनै महत्त्वपूर्ण कुरा हैन तर बाचेर पनि अरुलाई बचाउनु त्यो नै सबै भन्दा महत्त्वपूर्ण कुरा हो”– संस्थाका अध्यक्ष बिजय मण्डलले बताए ।

सो बितरण कार्यक्रममा स्थानीय प्रतिनिधि संस्थाका सद्स्य ,बिन्दल यादव, दिनेश मण्डल ,समाजसेवी अरुण मण्डल अलगायत समूहसँग आवद्ध युवाहरुको उपस्थित रहेको थियो ।