'फ्रि भिसा फ्रि टिकट' भएपनिविदेश जाने युवाहरुबाट लाखौं ठग्दै एजेन्ट

न्यूज ब्यूरो, जनकपुरधाम । वैदेशिक रोजगारीमा जाने युवाहरु दिनहुँ एजेन्ट मार्फत ठगिँदै आएको छ । अनपढहरु सहित केही पढेलेखेकाहरुबाट पनि एजेन्टहरु लाखौं रुपैयाँ लिने गरेको देखिएको छ ।

एजेन्टहरु विभिन्न बहानामा वैदेशिक रोजगारीमा जाने युवाहरुलाई बिमा, टिकट, भिसाको लागि १ देखि डेढ लाख रुपैयाँसम्म लिने गरेको देखिएको छ । जबकी म्यानपावर मार्फत सरकारले तोकेको रकम मात्र तिरेर जान सकिन्छ ।

एजेन्टहरुले गाउँस्तरमा गएर सोझासाझा युवाहरुलाई आफनो शिकार बनाउँदै कत्तार, सउदी, मलेसिया, दुबई पठाउनको लागि दुई लाख रुपैयाँसम्म लिने गरेको खुलेको छ । उनीहरुलाई विदेश जानुपर्ने बाध्यता भएपछि कर्जा उठाएर पनि एजेन्टलाई दिने गरेको छ ।

सोही क्रममा बुधबार फ्रि भिसा, फ्रि टिकट पूर्ण रुपमा कार्यान्वयनको माग राख्र्दै आप्रवासी कामदार हकहित संरक्षण केन्द्र धनुषाले बुधबार प्रमुख जिल्ला अधिकारीमार्पmत प्रधानमन्त्री केपी शर्मा ओलीलाई ज्ञापनपत्र बुझाएको छ ।

आप्रवासी कामदार हकहित संरक्षण केन्द्र धनुषाकी अध्यक्ष कौशल्या सिंहको अगुवाईमा गएको टोलीले विभिन्न पाँच सूत्रीय मागसहित प्रमुख जिल्ला अधिकारीमार्पmत प्रधानमन्त्रीलाई ज्ञापनपत्र बुझाएका हुन् ।

वैदेशिक रोजगार व्यवसायीहरुबाट भइरहेको ठगीलाई नियन्त्रण गर्न वैदेशिक रोजगार विभागबाट भइरहेको अनुगमनलाई तिव्रता प्रदान गर्नुपर्ने, वीमा कम्पनीहरुले मृतक परिवारलाई प्रदान गरिने विमित रकम भुक्तानी दिने क्रममा इच्छा विपरित सबै प्रिमियर एकै पटकमा असुल गरि पाँच लाखसम्मका वीमा गराइरहेकोले यसरी वीमाको नाममा ठगी गर्ने काम अविलम्ब बन्द गर्नुपर्ने र यस्तो अवाञ्छित कृयाकलाप गरिसकेको वीमा कम्पनीहरुबाट सम्बन्धित व्यक्तिलाई रकम फिर्ता गरेर कारबाही गर्नुपर्ने, कोभिड–१९ तथा अन्य कारणले वैदेशिक रोजगारीमा अलपत्र परेकाहरुलाई अविलम्ब् उद्धार गर्नुपर्ने, विदेशबाट मृतकको शव तदारुकताका साथ ल्याउने काम गर्नुपर्ने लगायतको माग राखेर उनीहरुले ज्ञापनपत्र बुझाएका थिए ।

विपे्रषण आर्जनमा धनुषा नेपालको दोश्रो स्थानमा रहेको छ । वैदेशिक रोजगारमा जानेमध्ये ठगीमा पर्ने धनुषाका युवाहरु बढी छन् ।