तीनवटै सुरक्षा निकायको पहलमा २५ के जी गाँजा सहित ३ पक्राउ

न्यूज ब्यूरो, सिरहा । जिल्लाको मिर्चैया नगरपालिका ९ कटाहा बाट आज सशस्त्र प्रहरीले २५ किलो गाँजा सहित ३ जनालाई नियन्त्रणमा लिएको छ ।

मिर्चैया नगरपालिकाको वडा नं ९ कटाहा इलाकामा गाँजाको अवैध उत्पादन र ओसारपसार हुन्छ भन्ने राष्ट्रिय अनुसन्धान विभागको गोप्य सूचनाका आधारमा मिर्चैया स्थित सशस्त्र प्रहरी बलको सुरक्षा बेस बाट टोली खटिएको र उक्त परिमाणको गाँजा सहित व्यक्ति नियन्त्रणमा लिइएको बेसका सशस्त्र प्रहरी निरीक्षक डम्बर बहादुर केसीले बताए ।

तीन वटा बोरामा राखिएको २१ किलो कच्चा गाँजा र ४ किलो तयारी गाँजा फेला पर्नासाथ थप कानुनी कारबाहीका लागि सशस्त्र प्रहरीले मिर्चैया स्थित इलाका प्रहरी कार्यालयलाई खबर गर्नासाथ प्रहरी नायब उपरीक्षक राजेन्द्र श्रेष्ठ नेतृत्वको टोली घटनास्थल पुगी सोही नगरपालिका ८ बस्ने दीपेन्द्र राय , कमला नगरपालिका ८ बस्ने संजीव मण्डल र शम्भु यादवलाई उनीहरूले ओसारपसारमा प्रयोग गर्ने स ६ प ३८६५ नं को मोटरसाइकल सहित पक्राउ गरेको थियो ।